وقيعا عابيت مۇسىرەپوۆ اۋدانىنىڭ اۋماعىندا ورىن الدى. ەسىل وزەنىنىڭ ۇستىندەگى نەجينكا مەن بىرلىك اۋىلدارىن بايلانىستىراتىن كوپىر استىق تاسىمالداپ كەلە جاتقان Shacman جۇك كولىگىنىڭ سالماعىن كوتەرە الماي، وپىرىلدى. ءقازىر اۋىل تۇرعىندارى ءۇشىن قىسقا جول قاتىناسى ءۇزىلدى، دەپ حابارلايدى aqshamnews.kz
«18 جەلتوقسان كۇنى 56 جاستاعى جۇرگىزۋشى ءرۋلدى باسقارا الماي، كولىگى وزەنگە اۋدارىلىپ كەتتى»، – دەپ مالىمدەدى سقو پوليسيا دەپارتامەنتىنىڭ باسپا ءسوز قىزمەتى.
جەرگىلىكتى تۇرعىنداردىڭ ايتۋىنشا، كوپىر شامامەن 50 جىل بۇرىن سالىنعان.
«ول كەزدە ەڭ اۋىر كولىكتەر كاماز بولاتىن، ولاردىڭ جالپى سالماعى جۇكپەن بىرگە 16 تونناعا جەتەتىن. ءتىپتى شامادان تىس جۇكتەمەمەن 25 توننا بولعاننىڭ وزىندە، قازىرگى Shacman جۇك كولىگىنىڭ جالپى سالماعى 40 توننا، ال شامادان تىس جۇكتەلگەندە 50 تونناعا دەيىن جەتەدى»، – دەپ جازدى الەۋمەتتىك جەلىدەگى پىكىرلەردە.
وقيعا سالدارىنان ەشكىم زارداپ شەككەن جوق.