— مەملەكەت باسشىسى قاسىم-جومارت كەمەل ۇلى توقايەۆتىڭ «جاساندى ينتەللەكت داۋىرىندەگى قازاقستان: وزەكتى ماسەلەلەر جانە ونى تۇبەگەيلى سيفرلىق وزگەرىستەر ارقىلى شەشۋ» اتتى قازاقستان حالقىنا جولداۋى – ۋاقىتتىڭ تالابىنان تۋعان ستراتەگيالىق قۇجات. اسىرەسە، دەنساۋلىق ساقتاۋ سالاسىنىڭ وكىلى رەتىندە مەن پرەزيدەنتتىڭ سيفرلىق ترانسفورماسياعا باسىمدىق بەرۋىن ەرەكشە قۋانىشپەن قابىلدادىم. ويتكەنى بۇگىنگى كۇنى ساپالى مەديسينا – وزىق تەحنولوگيامەن، جاڭا مۇمكىندىكتەرمەن جانە جاساندى ينتەللەكتپەن تىكەلەي بايلانىستى.
جولداۋدا ايتىلعان «سيفرلىق تەڭسىزدىكتى جويۋ» مىندەتى – قوعام ءۇشىن عانا ەمەس، ءاربىر دارىگەر ءۇشىن دە اسا ماڭىزدى. ءبىز ناۋقاستىڭ جاي-كۇيىن جىلدام انىقتاۋ، دەرتتىڭ الدىن الۋ جانە ەمدەۋدىڭ ءتيىمدى جولدارىن تابۋ ءۇشىن زاماناۋي سيفرلىق شەشىمدەرگە مۇقتاجبىز. مىسالى، جاساندى ينتەللەكت مەديسينالىق دەرەكتەردى تالداپ، دياگنوستيكا ساپاسىن ارتتىرۋعا، ۋاقىت ۇنەمدەۋگە جانە ادامي فاكتوردان تۋىندايتىن قاتەلىكتەردى ازايتۋعا كومەكتەسەدى. بۇل – مەديسيناداعى جاڭا ءداۋىردىڭ باستاماسى.
پرەزيدەنتىمىزدىڭ «ءبىلىم مەن عىلىمدى تەحنولوگيالىق سەرپىلىسپەن ۇشتاستىرۋ» جونىندەگى تۇجىرىمى دا ءبىز ءۇشىن باعدارشام ىسپەتتى. جاڭا بۋىن دارىگەرلەرى سيفرلىق ساۋاتتى، دەرەكتەردى تالداي بىلەتىن، تەحنولوگيانى يگەرگەن مامان بولۋى شارت. وسى ورايدا، جاساندى ينتەللەكتتىڭ مۇمكىندىكتەرىن مەڭگەرۋ – تەك ءىت-مامانداردىڭ ەمەس، دارىگەرلەردىڭ دە كۇندەلىكتى قاجەتتىلىگىنە اينالماق.
ەلىمىزدىڭ الداعى دامۋ باعىتى ايقىن: سيفرلىق تەحنولوگيا – ۇلتتىق باسەكەگە قابىلەتتىلىكتىڭ نەگىزگى فاكتورى. ءبىز وسى وزگەرىستەرگە بەيىمدەلىپ قانا قويماي، ونى مەديسيناداعى ادام ءومىرىن ساقتاۋ مەن دەنساۋلىقتى نىعايتۋ ىسىندە ءتيىمدى قولدانۋعا ءتيىسپىز.
سوندىقتان 36 ەمحانا ۇجىمى مەملەكەت باسشىسىنىڭ باستامالارىن تولىق قولدايدى. جاساندى ينتەللەكت داۋىرىندە دەنساۋلىق ساقتاۋ سالاسى جاڭا بەلەسكە كوتەرىلىپ، حالىقتىڭ ءومىر ساپاسىن جاقسارتۋعا بار كۇش-جىگەرىمىزدى جۇمساۋعا دايىنبىز.