مۇنداي شەشىم 25 تامىز بەن 5 قىركۇيەك ارالىعىندا جالپى ماقساتتاعى اۆياسيانى پايدالانۋشىلارعا جوسپاردان تىس تەكسەرۋ جۇرگىزۋدەن كەيىن قابىلداندى، - دەپ حابارلايدى Aqshamnews.kz.
ونىڭ الدىن الا قورىتىندىسى كولىك ۆيسە-مينيسترى تالعات لاستايەۆ وتكىزگەن كەڭەستە ايتىلدى.
قازاقستاننىڭ اۆياسيالىق اكىمشىلىگى جالپى ماقساتتاعى اۆياسيا پايدالانۋشىلارىنىڭ 31 اۋە كەمەسىنە تەكسەرۋ جۇرگىزىپ، ازاماتتىق اۆياسيا سالاسىنداعى نورماتيۆتىك قۇقىقتىق اكتىلەر تالاپتارىنىڭ ساقتالماعانىن انىقتادى. ناتيجەسىندە 7 جەڭىل ۇشاقتىڭ ۇشۋى ۋاقىتشا توقتاتىلدى.
قازاقستاننىڭ اۆياسيالىق اكىمشىلىگى زاڭنامادا بەلگىلەنگەن وكىلەتتىكتەر اياسىندا جما وپەراتورلارىنىڭ قىزمەتىنە، ونىڭ ىشىندە جەكە تۇلعالاردىڭ زاڭسىز ۇشۋلار تۋرالى وتىنىشتەرى بويىنشا، سونداي-اق بۇقارالىق اقپارات قۇرالدارىنداعى جانە الەۋمەتتىك جەلىلەردەگى جاريالانىمدارعا مونيتورينگ جۇرگىزۋ ارقىلى جۇمىستى جالعاستىرۋدا. سوڭعى كەزدەرى الەۋمەتتىك جەلىلەردە (Instagram، TikTok، Telegram)«ەكسكليۋزيۆ»، «ەكسكۋرسيا» جانە باسقا دا رەيستەرگە ارنالعان جارنامالار جيىلەپ كەتتى، ال ولاردىڭ كوپشىلىگىندە ارنايى رۇقساتتار جوق.
قازاقستاننىڭ اۆياسيالىق اكىمشىلىگى «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياسيا قىزمەتى تۋرالى» قازاقستان رەسپۋبليكاسىنىڭ زاڭىنا سايكەس جالپى ماقساتتاعى اۆياسيانى پايدالانۋشىلارعا اقىلى نەمەسە جالدامالى اۋە تاسىمالدارىن، اۆياسيالىق جۇمىستاردى ورىنداۋعا تىيىم سالىنعانىن ەسكەرتەدى. تالاپتاردى بۇزعان وپەراتورلار زاڭدا كوزدەلگەن جاۋاپكەرشىلىككە تارتىلادى.