ۇكىمەت وتىرىسىندا ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى جاسلان مادييەۆ قازاقستاننىڭ سيفرلىق كودەكسى مەملەكەت باسشىسى بەلگىلەگەن مەرزىمدە قابىلداناتىنىن مالىمدەدى، - دەپ حابارلايدى Aqshamnews.kz.
«ءقازىر كودەكس جوباسىن پارلامەنت ءماجىلىسى قاراپ جاتىر. ونى پىسىقتاۋ ءماجىلىس جانىنان قۇرىلعان ارنايى قۇزىرەتتەر ورتالىعى ارقىلى جۇزەگە اسىرىلادى. جوبا قازاق، ورىس جانە اعىلشىن تىلدەرىندە GitHub پلاتفورماسىندا جاريالانادى»، - دەدى مينيستر.
سونىمەن قاتار جاسلان مادييەۆ «Alatau City» سيفرلىق قالاسىنا قاتىستى جوبالار جايلى باياندادى.
«بۇل قالانى قۇرۋ كەزىندە جاساندى ينتەللەكت تەحنولوگيالارى قولدانىلادى، Smart City ارحيتەكتۋراسى ازىرلەنەدى. سونداي-اق ەكوجۇيەدە كريپتوۆاليۋتالاردى قولدانۋعا قاجەتتى نورماتيۆتىك-قۇقىقتىق اكتىلەر دايىندالادى»، - دەدى مينيستر.
ايتا كەتەيىك، مەملەكەت باسشىسى قاسىم-جومارت توقايەۆ ءوز جولداۋىندا قازاقستاندى ءۇش جىل ىشىندە تولىققاندى سيفرلىق دەرجاۆاعا اينالدىرۋ مىندەتىن قويعان بولاتىن. بۇل باعىتتاعى الداعى قادامدار مەن ماقساتتارعا ەلىمىزدىڭ قانشالىقتى قول جەتكىزە الاتىنى تۋرالى ساراپشىلار پىكىرى Kazinform اگەنتتىگى ارقىلى جاريالانعان ەدى.