الماتى قالاسىندا تۇركسىب اۋداندىق پوليسيا قىزمەتكەرلەرى ءىرى كولەمدەگى ەسىرتكى زاتىن تاركىلەدى، - دەپ حابارلايدى Aqshamnews.kz.
پوليسياعا قالاداعى قوناق ۇيلەردىڭ بىرىندە تىيىم سالىنعان زاتتاردىڭ ساقتالعانى تۋرالى اقپارات كەلىپ تۇسكەن. تەكسەرۋ بارىسىندا ءتارتىپ ساقشىلارى، وزىنە ءتان ءيىسى بار، اقشىل ءتۇستى ۇنتاق زات سالىنعان بىرنەشە بايلامدى تاۋىپ، تاركىلەدى. سونداي-اق كۇدىكتىنىڭ اۆتوكولىگىنەن دە وسىنداي ءبىر بايلام تابىلدى. تاركىلەنگەن زاتتىڭ جالپى سالماعى 1،3 كەلىدەن استى. اتالعان دەرەك بويىنشا قىلمىستىق ءىس قوزعالىپ، كۇدىكتى قاماۋعا الىندى.
پوليسيا ازاماتتاردى ەسىرتكىنىڭ زاڭسىز اينالىمى تۋرالى كەز كەلگەن دەرەك بويىنشا بەلسەندى تۇردە حابارلاۋعا شاقىرادى جانە زاڭدا كوزدەلگەن جاۋاپكەرشىلىكتى ەسكە سالادى.