پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا مەملەكەت باسشىسىنىڭ ەكونوميكانىڭ بارلىق سالاسىنا سيفرلىق شەشىمدەردى ەنگىزۋ تۋرالى تاپسىرمالارىن جۇزەگە اسىرۋ شەڭبەرىندە، سونداي-اق بيىلعى جىلدى سيفرلاندىرۋ جانە جاساندى ينتەللەكت جىلى دەپ جاريالاۋىنا وراي سيفرلاندىرۋ مەن ءجي-دى دامىتۋ ماسەلەسى قارالدى.
ولجاس بەكتەنوۆ پرەزيدەنتتىڭ 2026 جىلدى سيفرلاندىرۋ جانە جي جىلى دەپ جاريالاۋى ۇكىمەت جۇمىسىنىڭ نەگىزگى باسىمدىقتارىن ايقىندايتىنىن اتاپ ءوتتى.
ولجاس بەكتەنوۆ پرەزيدەنتتىڭ 2026 جىلدى سيفرلاندىرۋ جانە جي جىلى دەپ جاريالاۋى ۇكىمەت جۇمىسىنىڭ نەگىزگى باسىمدىقتارىن ايقىندايتىنىن اتاپ ءوتتى.
مەملەكەت باسشىسى 2026 جىلدى سيفرلاندىرۋ جانە جاساندى ينتەللەكت جىلى دەپ جاريالادى.
ءبىزدىڭ باستى ماقساتىمىز – ەكونوميكانىڭ بارلىق سالالارىنا سەرپىندى تەحنولوگيالاردى ەنگىزۋ.
جاڭا سيفرلىق ونىمدەردىڭ وڭ ناتيجەسىن ءار ازامات سەزىنۋگە ءتيىس
دەپ اتاپ ءوتتى پرەمەر-مينيستر.
جاساندى ينتەللەكت جانە سيفرلىق دامۋ مينيسترلىگىنىڭ دەرەكتەرىنە سايكەس، 2025 جىلدىڭ قورىتىندىسى بويىنشا قازاقستاندا 2606 اۋىلدىق ەلدى مەكەن جوعارى جىلدامدىقتى ينتەرنەتكە قوسىلعان. 2026 جىلى تاعى 1900ء-ىن قوسۋ جوسپارلانۋدا. بۇل رەتتە 5G بايلانىسى 20 ءىرى قالادا قولجەتىمدى، 4G جەلىسى 3 115 اۋىلدى قامتيدى. 2026 جىلى تاعى 836 اۋىلدى 4G-گە قوسۋ جوسپارلانۋدا.