ۇكىمەت وتىرىسى بارىسىندا پرەمەر-مينيستر ولجاس بەكتەنوۆ مەملەكەت باسشىسى ەگىن شارۋاشىلىعىنداعى وڭ ناتيجەلەردى اتاپ وتكەنىنە نازار اۋداردى، دەپ حابارلايدى aqshamnews.kz
پرەزيدەنت مال شارۋاشىلىعى سالاسىنداعى جۇمىستاردى جانداندىرۋدى تاپسىردى.
وسىعان وراي اۋىل شارۋاشىلىعى مينيسترلىگىنىڭ الدىنا ءبىر اپتا ىشىندە ەت ءوندىرىسى مەن ەكسپورتىنىڭ كولەمىن ارتتىرۋ جونىندەگى ناقتى شارالارمەن بىرگە، مال شارۋاشىلىعىن ودان ءارى دامىتۋ بويىنشا ۇسىنىستار ەنگىزۋ مىندەتى قويىلدى. سونداي-اق شارۋالارعا جەڭىلدەتىلگەن نەسيە بەرۋ تەتىگىن كەڭەيتۋ تاپسىرىلدى.
ەگىنشىلەردى تىكەلەي سۋبسيديالاۋ ورنىنا جەڭىلدەتىلگەن نەسيە بەرۋ تەتىگى ءوزىنىڭ تيىمدىلىگىن كورسەتكەنىن ايتا كەتۋ كەرەك. مينيسترلىك «بايتەرەك» حولدينگىمەن بىرلەسىپ، وسىعان ۇقساس اۋىل شارۋاشىلىعىن قولداۋ قۇرالدارىنىڭ اياسىن كەڭەيتۋدى جالعاستىرۋعا ءتيىس، دەپ اتاپ ءوتتى ولجاس بەكتەنوۆ.