سيفرلاندىرۋ جانە جاساندى ينتەللەكت جىلىن ءسان قۋىپ، ۇرانداتۋ ءۇشىن جاريالاعان جوقپىز. بۇل تۋرالى ۇلتتىق قۇرىلتايدىڭ V وتىرىسىندا مەملەكەت باسشىسى قاسىم-جومارت توقايەۆ ايتتى.
- ءبىز ءبىلىم، عىلىم جانە جوعارى تەحنولوگيا سالاسىنا قوماقتى ينۆەستيسيا سالاتىن بولدىق. سەبەبى ادام كاپيتالىنىڭ ساپاسىن ارتتىرۋ - ايرىقشا ماڭىزدى مىندەت. بۇل، اسىرەسە، ەل دامۋىنىڭ قازىرگىدەي تاريحي، بەتبۇرىستى كەزەڭىندە حالقىمىزدىڭ بولاشاعىنا تىكەلەي اسەرىن تيگىزەدى. ەڭ باستىسى - بۇل جوسپارلار جۇرتتى قۇر ۋادەمەن جارىلقايتىن تۇساۋكەسەر راسىمدەرى مەن فورۋمداردىڭ كولەڭكەسىندە قالىپ قويماۋى كەرەك. ءبىز پيار-اكسيالار مەن كوز الدايتىن جالعان ىلگەرىلەۋگە ەمەس، ناقتى جەتىستىككە ۇمتىلۋىمىز قاجەت. سيفرلاندىرۋ جانە جاساندى ينتەللەكت جىلىن ءسان قۋىپ، ۇرانداتۋ ءۇشىن جاريالاعان جوقپىز. بۇل شەشىم بۇكىل مەملەكەتتىك اپپاراتقا ناقتى مىندەت جۇكتەپ وتىر. بۇل - ستراتەگيالىق مىندەت، -دەدى پرەزيدەنت.
قاسىم-جومارت توقايەۆ مەملەكەت ءۇشىن ايرىقشا ماڭىزدى وسى مىندەتتى ورىنداۋعا قاتىستى تالاپ تا وتە جوعارى بولاتىنىن ەسكەرتتى.