«Qazaqstan» جەڭىل اتلەتيكا كەشەنىندە 5ء-شى دۇنيەجۇزىلىك كوشپەندىلەر ويىندارىن دايىنداۋ جانە وتكىزۋ ديرەكسياسى شىۇ سامميتىنە قاتىسقان شەتەلدىك قوناقتاردى كوشپەندىلەر ويىندارىمەن تانىستىردى، دەپ حابارلايدى اlmaty-akshamy.kz.
ءىس-شاراعا شاراعا شەتەلدىك ديپلوماتتار گەرمانيا، ءۇندىستان، يسپانيا، يتاليا، وڭتۇستىك كورەيا، ليۆان، مالايزيا، نورۆەگيا، سەربيا جانە چەحيادان بىرنەشە حالىقارالىق جۋرناليستەر قاتىستى.
ەلىمىزدە ۇلكەن دودا وتكەلى جاتىر. بارشامىزعا، ەلىمىزگە جاۋاپتى ءسات، سىن. وسىدان 2 جىل بۇرىن تۇركيانىڭ بۋرسا قالاسىندا كوشپەندىلەر ويىندارى استانا قالاسىندا وتكىزىلۋى تۋرالى شەشىم قابىلدانعان ەدى. قارقىندى دايىندالىپ جاتىرمىز. 21 سپورت ويىندارىنان وتەدى. ارنايى 7 سپورتتىق نىساندار دايىندالىپ جاتىر. «ءبىر سىزىقشا» لوگيستيكاسى بويىنشا وتەدى. قازاق اۋىلى جاسالادى. ال، اشىلۋ سالتاناتى «استانا-ارەنادا» ستاديونىندا بولادى. كوشپەندىلەر ويىندارىنىڭ بارىسىندا عىلىمي-پراكتيكالىق كونفەرەنسيا وتكىزىلەدى، - دەدى تۋريزم جانە سپورت ۆيسە-مينيسترى سەرىك جاراسبايەۆ.
قازىرگى ۋاقىتتا 89 ەلدەن دەلەگاسيالار قاتىسۋىن راستاعان. بۇل كورسەتكىش 100-گە دەيىن جەتۋى مۇمكىن.
بۇعان دەيىن الەمنىڭ 100-دەن استام ەلىنەن 4000 قاتىسۋشى قاتىسادى دەلىنگەن بولسا، ەندى قاتىسۋشىلاردىڭ سانى 2000-نان اسادى دەگەن جوسپار بار. سولاردىڭ بارلىعىن ورنالاستىرۋ ءۇشىن قازىرگى ۋاقىتتا قالا اكىمدىگىمەن بىرگە 32 قوناق ءۇي دايىندالىپ جاتىر. 320 ات جالعا الىندى. دەلەگاسيالاردى جەتكىزۋ ءۇشىن 130 كولىك جالعا الىنىپ جاتىر، - دەدى سەرىك جاراسبايەۆ.
بۇگىنگى جيىنعا كەلگەن قوناقتارعا ديرەكسيا كوشپەندىلەر ويىندارى تۋرالى ارنايى باعدارلاما دايىندادى. كوشپەندىلەر ويىندارىنىڭ اتموسفەراسىن جەتكىزۋ ماقساتىندا «Qazaqstan» جەڭىل اتلەتيكا كەشەنى قازاقى ستيلدە بەزەندەندىرىلىپ، ۇلتتىق سپورت تۇرلەرىنەن قويىلىمدار قويىلدى.
قازىرگى ۋاقىتتا 5ء-شى دۇنيەجۇزىلىك كوشپەندىلەر ويىندارىنا بيلەتتەر ونلاين ساتىلىمعا شىققان. بيلەتتىڭ قۇنى 500 تەڭگەدەن 20 مىڭ دەڭگەگە دەيىن.
ايتا كەتەيىك، 8-13 قىركۇيەكتە استانا قالاسىندا 5ء-شى دۇنيەجۇزىلىك كوشپەندىلەر ويىندارى وتەدى.