رونالدۋعا دەگەن قۇرمەتىم ەرەك، پەپەگە قارسى ويناۋ مەن ءۇشىن ۇلكەن ابىروي - مباپپە

فۋتبولشى پورتۋگاليامەن كەزدەسۋگە دايىندالىپ جاتىر

جازعى ترانسفەردە فرانسۋز شابۋىلشىسى كيليان مباپپەنىڭ «رەال مادريد» كلۋبىنا اۋىسقانى بەلگىلى. فۋتبولشىنى جانكۇيەرلەرمەن تانىستىرۋ سالتاناتى الداعى ۋاقىتتا وتەدى، دەپ حابارلايدى اlmaty-akshamy.kz

ءقازىر اياقدوپ شەبەرى ەۋروپا چەمپيوناتىنىڭ شيرەك فينالىندا پورتۋگاليامەن كەزدەسۋگە دايىندالىپ جاتىر. ماچ الدىندا فرانسۋز «كورولدىك» كلۋبتا وزىنە دەيىن ويناعان جۇلدىزدار تۋرالى پىكىر ءبىلدىرىپ، رونالدۋمەن سالىستىراتىندارعا جاۋاپ بەردى.

«مەن «رەال مادريدكە» كريشتيانۋدىڭ كەزەكتى تاراۋىن ەمەس، ءوز تاريحىمدى جازۋ ءۇشىن بارا جاتىرمىن. كريشتيانۋدىڭ ول جاقتاعى تاريحى ەرەكشە، تاڭعاجايىپ، مەنىكى دە سونداي ەرەكشە بولعانىن قالايمىن. ەكىنشى كريشتيانۋ رونالدۋ ەشقاشان بولمايدى. كريشتيانۋ رونالدۋ – مەنىڭ كۋميرىم، ول بۇتىندەي ءبىر ۇرپاقتى شابىتتاندىرعان ادام. ول اڭىز ويىنشى. رونالدۋعا دەگەن قۇرمەتىمنىڭ قانداي ەكەنىن ءبارى بىلەدى. ءبىز ۇنەمى بايلانىستامىز. ول اڭىز بولىپ قالا بەرەدى، ءبىراق الداعى ويىندا جەڭۋگە تىرىسامىز.
پەپە دە «رەالدىڭ» ءتىرى اڭىزى. «پورتۋدا» دا، پورتۋگاليا قۇراماسىندا دا ءوزىن دالەلدەپ تاستاعان. پەپەگە قارسى ويناۋ مەن ءۇشىن ۇلكەن ابىروي»، - دەدى مباپپە.