ەكسپەديسيا قاراعاندىدان باستالدى.
قاراعاندى وبلىستىق تاريحي-ولكەتانۋ مۋزەيى جوشى ۇلىسىنىڭ 800 جىلدىعىنا وراي «تالاس - ۇلىتاۋ - سارايشىق» اتتى رەسپۋبليكالىق تاريحي-ەتنوگرافيالىق ەكسپەديسيا ۇيىمداستىردى، دەپ حابارلايدى aqshamnews.kz
ەكسپەديسيا قۇرامىنا تاريحشىلار، گەوگرافتار، ولكەتانۋشىلار، ق ر ۇلتتىق مۋزەيى جانە جامبىل، اتىراۋ، قاراعاندى وبلىستىق تاريحي-ولكەتانۋ مۋزەيلەرىنىڭ قىزمەتكەرلەرى، سونداي-اق ستۋدەنتتەر، سۋرەتشىلەر، جۋرناليستەر جانە بلوگەرلەر كىردى. ەكسپەديسيانىڭ ماڭىزدى قاتىسۋشىلارىنىڭ ءبىرى — جوشىنىڭ ۇرپاعى، ولكەتانۋشى اسىلبەك التىنوۆ.
اسىلبەك التىنوۆ بۇل ەكسپەديسيانىڭ ونىڭ ومىرىندەگى ەڭ ءىرى جانە ماڭىزدى وقيعا ەكەنىن اتاپ ءوتتى. ول وسى ساپاردان كوپتەگەن اسەر كۇتەتىنىن جانە قازاق مەملەكەتتىلىگىنىڭ باستاۋلارىمەن، تاريحي جانە قاسيەتتى ورىندارمەن تانىسىپ، قىزىقتى ادامدارمەن كەزدەسۋدى تاعاتسىزدانا كۇتىپ جۇرگەنىن ايتتى.
ەكسپەديسيانىڭ ماقساتى – قازاقستان تاريحىن زەرتتەۋ جانە ناسيحاتتاۋ، ەلدەگى مۋزەيلەر اراسىنداعى بايلانىستاردى نىعايتۋ جانە تاريحي ءتۋريزمدى دامىتۋ.