جەلىدە كولساي كولى قالاي تازارتىلعانى كورسەتىلگەن ۆيدەو پايدا بولدى، - دەپ حابارلايدى aqshamnews.kz.
"كولساي كولدەرى" ۇلتتىق ساياباعىنىڭ Instagram الەۋمەتتىك جەلىسىندەگى پاراقشاسىندا ۆيدەو جاريالاندى. اقپاراتقا سۇيەنسەك، كولساي كولدەرىنە تازالىق جۇمىستارىن جۇرگىزۋ ءىس-شاراسىنىڭ مونيتورينگى بويىنشا ۇزاقتىعى 27 ساعاتتىق 24 رەت سۋ استىنا سۇڭگۋ جۇرگىزىلگەن.
"اتقارىلعان جۇمىستار ناتيجەسىندە 30 قاپ تۇرمىستىق قالدىقتار، اينەك جانە پلاستيك بوتەلكە، دىمقىل (ىدىرامايتىن) مايلىقتار، اليۋمينيي قالبىرلار جينالدى. بارلىق ىستەلگەن ءىس-شارا جۇمىستارى سۋاستى ۆيدەو ءتۇسىرىلىم ارقىلى دالەلدەنگەن"، - دەلىنگەن حابارلامادا.