Death Clock AI رەسمي تۇردە 18 قىركۇيەكتە ىسكە قوسىلدى.
اقش-تا عالىمدار ادام ءولىمىنىڭ ناقتى كۇنىن ەسەپتەي الاتىن ساعاتتى ويلاپ تاپتى دەپ حابارلايدى aqshamnews.kz
بۇل قۇرىلعىنى جاساۋشىلار ونى «ءولىم ساعاتى» (Death Clock) دەپ اتاعان. جاڭا جاساندى ينتەللەكت قوسىمشاسى ادامنىڭ دەنساۋلىعى مەن الەۋمەتتىك ادەتتەرى تۋرالى سۇراقتارعا جاۋاپ العاننان كەيىن ونىڭ بيولوگيالىق جاسىن جانە ءولىم كۇنىن انىقتاي الاتىنىن مالىمدەگەن.
«بۇل ساعاتتىڭ باستى ماقساتى – ادامدى دەنساۋلىعى مەن ءومىر سالتىن جاقسارتۋعا باعىتتاۋ. ويتكەنى، قازىرگى دەنساۋلىق ساقتاۋ جۇيەسى كوبىنەسە اۋرۋدى ەرتە كەزەڭدە ەمەس، تىم كەش ارالاساتىن رەاكتيۆتى سيپاتتا»، دەپ تۇسىندىرەدى قوسىمشانىڭ اۆتورى برەنت فرەنسون.
«ءولىم ساعاتى» ادامنىڭ دەنساۋلىعى تۋرالى اقپارات بەرىپ، ۇزاق ءومىر سۇرۋگە باعىتتالعان جەكە جوسپار قۇرۋعا كومەكتەسەدى. قوسىمشادا قان تالداۋلارى، گەنەتيكالىق پروفيلدەر جانە باسقا دا مەديسينالىق قۇجاتتاردى جۇكتەۋ مۇمكىندىگى بار.
تەحنيكالىق جاڭالىقتار اۆتورى اماندا كۋزەر وسى ساعاتتى سىناپ كوردى. ول Death Clock-تىڭ سۇراقتارى بيولوگيالىق فاكتورلاردان باستاپ، ۇيقى جانە پسيحيكالىق دەنساۋلىق سياقتى ماسەلەلەرگە دەيىن قامتيتىنىن ايتتى. مىسالى، شىلىم شەگۋ ادامنىڭ ءومىر ءسۇرۋ ۇزاقتىعىنا قالاي اسەر ەتەتىنىن ەسەپتەپ، ونى تاستاعان جاعدايدا ءومىردى قانشا جىلعا ۇزارتۋعا بولاتىنىن كورسەتەدى.