شىمكەنتتە ۇيىمداسقان قىلمىستىق توپ سوتتالدى، - دەپ حابارلايدى aqshamnews.kz ءتىلشىسى.
2023–2024 جىلدار ارالىعىندا "ا" ەسىمدى ەر ادام باسشىلىق ەتكەن قىلمىستىق توپ «Telegram» الەۋمەتتىك جەلىسى ارقىلى اسا ءىرى كولەمدە پسيحوتروپتىق زاتتاردى زاڭسىز دايىنداپ، ساقتاپ، ساتىپ كەلگەن.
توپ مۇشەلەرى شىمكەنتتە ەسىرتكى زەرتحانالارىن اشىپ، پرەكۋرسورلاردى پايدالانۋ ارقىلى ەسىرتكى زاتتارىن وندىرۋمەن، ساتۋمەن اينالىسقان.
ارنايى وپەراسيا جۇرگىزۋ بارىسىندا قىلمىستىق توپتىڭ 4 مۇشەسى ۇستالىپ، ولاردان 3 كەلىدەن اسا پسيحوتروپتىق زاتتار، زەرتحانا جابدىقتارى مەن قاراجاتتار تاركىلەندى.
شىمكەنتتىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ 19.09.2025 جىلعى ۇكىمىمەن ولار قىلمىستىق توپ قۇرۋ جانە وعان قاتىسۋ، سونداي-اق اسا ءىرى كولەمدە پسيحوتروپتىق زاتتاردى ساتۋ، دايىنداۋ، وڭدەۋ جانە ساقتاۋ، قىلمىستىق جولمەن كەلگەن مۇلىكتى زاڭداستىرۋ دەرەكتەرى بويىنشا كىنالى دەپ تانىلىپ، 10 جىلدان 15 جىل 6 ايعا دەيىنگى مەرزىمگە باس بوستاندىعىنان ايىرىلدى.
شىمكەنتتە Telegram ارقىلى ەسىرتكى ساتقان قىلمىستىق توپ سوتتالدى
- 12:45، 08 قازان 2025
depositphotos.com