Air Astana-نىڭ باس ديرەكتورى پيتەر فوستەر 2026 جىلى قىزمەتىنەن كەتەدى، - دەپ حابارلايدى aqshamnews.kz ءتىلشىسى.
Air Astana اق ديرەكتورلار كەڭەسى كومپانيانىڭ باس اتقارۋشى ديرەكتورى جانە ديرەكتورلار كەڭەسىنىڭ مۇشەسى پيتەر فوستەر 2026 جىلعى ناۋرىزدا قىزمەتىنەن كەتەتىنىن حابارلادى. دەگەنمەن ول كومپانيالار توبىمەن بايلانىسىن ساقتاپ، ديرەكتورلار كەڭەسىنە اعا كەڭەسشى رەتىندە قىزمەتىن جالعاستىرادى.
فوستەردىڭ ورنىنا قازىرگى قارجى جونىندەگى اتقارۋشى ديرەكتور يبراحيم جانلىەل باس اتقارۋشى ديرەكتور بولىپ تاعايىندالماق.
ديرەكتورلار كەڭەسىنىڭ ءتوراعاسى نۇرلان جاقۇپوۆ پيتەر فوستەردىڭ كومپانيانى 20 جىل بويى تابىستى باسقارعانىن اتاپ ءوتتى.
"پيتەر فوستەر كومپانيانى قۇرىلعان كەزىنەن باستاپ قازاقستان مەن ورتالىق ازيانىڭ جەتەكشى اۋە كومپانياسىنا، الەمدىك دەڭگەيدە مويىندالعان برەندكە اينالدىردى. ونىڭ ەڭبەگى زور"، – دەدى ول.
ايتا كەتەيىك، بۇعان دەيىن ءماجىلىس دەپۋتاتى ەدىل جاڭبىرشين ۇكىمەت ساعاتىندا Air Astana اق باس اتقارۋشى ديرەكتورى پيتەر فوستەرگە ەسكەرتۋ جاسادى.