كۋاگەرلەردىڭ ايتۋىنشا، اتتراكسيون بيىكتىكتە 20 مينۋتقا توقتاپ تۇرعان.
شىمكەنت ساياباعىنداعى «بايتەرەك» اتتراكسيونى بۇزىلىپ، ادامدارىمەن بىرگە بيىكتىكتە تۇرىپ قالدى، دەپ حابارلايدى اlmaty-akshamy.kz ELITAR.KZ سايتىنا سىلتەمە جاساپ.
وقيعا وسى دەمالىس كۇندەرى بولعان. كۋاگەرلەردىڭ ايتۋىنشا، اتتراكسيون بيىكتىكتە 20 مينۋتقا توقتاپ تۇرعان.
جەرگىلىكتى تۇرعىن رومان باسىلىمعا ءبىر توپ دوستارىمەن ساياباققا دەمالۋعا كەلگەنىن ايتادى.
«ءبىز ەكى جىگىت، ءتورت قىز بولىپ وتىردىق. ءبىر كەزدە اتتراكسيوننان اقاۋ شىققانىن بايقادىق. قىزدار قورقىپ، ايعايلاي باستادى. مەن ولاردى تىنىشتاندىرۋعا تىرىستىم. 20 مينۋتتاي جوعارىدا وتىرىپ قالىق، سودان كەيىن قىزمەتكەرلەر ءبىزدى تۇسىرە باستادى، ءبىراق تولىق ەمەس، ويتكەنى قۇرىلعى دۇرىس جۇمىس ىستەمەي تۇردى. ءبىز، قالا تۇرعىندارى اتراكسيونعا تەحنيكالىق قىزمەت كورسەتۋدى جانە جوندەۋمەن قامتاماسىز ەتۋ ءۇشىن بارلىعى جابىلۋىن سۇرايمىز»، - دەپ جازدى Elitar.kz جەرگىلىكتى تۇرعىنداردىڭ ءسوزىن.
رومان ساياباقتا دۇربەلەڭ باستالعانىن، ادامدار ءوز ومىرلەرى ءۇشىن قورقىپ، ۇرەيلەنگەنىن ايتادى. ول اتتراكسيوننىڭ دۇرىس جۇمىس ىستەمەۋىن ادامداردى كوتەرە باستاعاندا-اق بولجاعانىن ايتتى.
«مەن اتتراكسيوننىڭ دۇرىس جۇمىس ىستەمەيتىنىن كوتەرىلە باستاعاندا اق سەزدىم. سەبەبى، ول جەردە ەسكى ەلەكتر قوزعالتقىشى تۇردى. ولار سىمداردى الىپ تاستاپ، ءبىزدى اقىرىن ءتۇسىردى، ءبىراق اقشانى قايتارعىسى كەلمەدى»، - دەدى جىگىت.