اۋماعى مىڭ شارشى مەترگە جۋىق تۇرعىن ءۇيدىڭ شاتىرى ورتەنىپ جاتىر.
قاراعاندىدا بەس قاباتتى تۇرعىن ءۇي ورتەنىپ جاتىر. ءورت شامامەن 900 شارشى اۋداندى قامتىدى. قۇتقارۋشىلار 15 ادامدى ەۆاكۋاسيالادى، دەپ حابارلايدى اlmaty-akshamy.kz قاراعاندى قالالىق تجد سىلتەمە جاساپ.
ءورت تۋرالى حابارلاما ديسپەچەرلىك پۋلتكە بۇگىن ساعات 14:59-دا ءتۇستى. تۇرعىندار ا.بوكەيحانوۆ اۋدانىنداعى 11ء-شى ورامدا 5 قاباتتى تۇرعىن ۇيدە ءورت شىققانىن حابارلادى.
«5 قاباتتى تۇرعىن ۇيدە اشىق جالىنمەن شاتىر تورلارى جانىپ جاتىر. وت شارپىعان الاڭ شامامەن 900 شارشى مەتردى الىپ كەتتى. تجد كۇشتەرىمەن 15 ادام ەۆاكۋاسيالاندى. ءورتتى سوندىرۋگە تجد بولىمشەلەرى جۇمىلدىرىلدى»، - دەپ حابارلادى باسپا ءسوز قىزمەتى.
وقيعا ورنىندا وبلىس جانە قالا اكىمدەرى بار.
ءوڭىر باسشىسى ەرماعانبەت بولەكپايەۆ قالا اكىمىنە تۇرعىنداردى ۋاقىتشا مەكەنگە ورنالاستىرۋدى تاپسىردى. شتاب ۇيىمداستىرىلدى.
«ءقازىر نەگىزگى مىندەت - ءورتتى سوندىرۋگە، سەبەپتەرىن انىقتاۋعا، ادامداردى ءقاۋىپسىز جەرگە كوشىرۋعا كۇش سالۋ»، - دەدى وبلىس اكىمى.