الماتىلىق وقۋشى اقش-تا وتكەن ماتەماتيكا بايقاۋىنان جۇلدەلى ورالدى

ول 1000 دوللار كولەمىندە سىياقى ەنشىلەدى.

الماتىلىق وقۋشى ساعىن جۇمادىلدايەۆ اقش-تىڭ داللاس قالاسىندا وتكەن الەمدەگى ەڭ بەدەلدى عىلىمي جوبالار بايقاۋىنىڭ ءبىرى – International Science and Engineering Fair-دان جۇلدەلى ەكىنشى ورىنمەن ورالدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.

ول «ماتەماتيكا» سەكسياسى بويىنشا «L-ترومينو-پليتكالارى» جوباسىن ۇسىندى، سونداي-اق 1000 دوللار كولەمىندە سىياقى ەنشىلەدى.

«ءبىر جىل بۇرىن وليمپيادادا L-ترومينو فيگۋراسىنىڭ كومەگىمەن پليتكالاردى جاناستىرۋ بويىنشا تاپسىرما ورىندادىم. وسى تاقىرىپقا قىزىعۋشىلىق تۋىنداپ، ونى جوبا رەتىندە جاساۋدى قولعا الدىم. ءالى دالەلدەنبەگەن تەورەمالار بار، سونى شەشۋ ارقىلى كەلەسى جىلى دا ISEF-كە قاتىسۋ جوسپاردا تۇر»، – دەيدى جاس ماتەماتيك.

سونىمەن قاتار بايقاۋعا كوكشەتاۋداعى زياتكەرلىك مەكتەپتىڭ وقۋشىسى اسىلحان قالي دە قاتىسىپ، «Aq Zhol» جوباسىن تانىستىردى. بۇل –جۇرگىزۋشىنىڭ ءحالى مەن مىنەز-قۇلقىن باقىلاۋعا مۇمكىندىك بەرەتىن بەينەتىركەگىش جانە جول-كولىك وقيعالارىنىنىڭ سانىن ازايتۋعا باعىتتالعان.

«قازاقستاننىڭ تۋىن الەمدىك ارەندا كوتەرىپ، ەلىمىزدىڭ اتىنان ونەر كورسەتۋ – ءبىز ءۇشىن ۇلكەن مارتەبە. بولاشاقتا ودان دا جاقسى ناتيجەگە جەتۋدە بار كۇش-جىگەرىمىزدى سالامىز»، – دەپ اسىلحان ءوز اسەرىمەن ءبولىستى.

ايتا كەتەيىك، International Science and Engineering Fair – 13 پەن 18 جاس ارالىعىنداعى جاسوسپىرىمدەرگە ارنالعان STEM جوبالاردىڭ دۇنيەجۇزىلىك بايقاۋى. حالىقارالىق شارا جىل سايىن وتەدى جانە الەمنىڭ 100 ەلىنەن كەلگەن 2000 وقۋشىنىڭ اراسىنان ۇزدىكتەردى انىقتايدى.