شىعىس قازاقستاندا كامەلەتكە تولماعان قىز مىسىقتاردى قاتىرىپ، كەيىن ولاردى باۋىزداعان. بۇل ارەكەتتى ول الەۋمەتتىك جەلىدە تانىمال بولۋ ءۇشىن جاساعان، - دەپ حابارلايدى اqshamnews.kz ءتىلشىسى ۋستينكا LIVE-قا سىلتەمە جاساپ.
20 شىلدەدە بولعان وقيعا جۇرتتىڭ اشۋىن تۋعىزدى.
پورتال مالىمەتىنشە، ۆيدەونى تۇسىرگەن قىز نەبارى 17 جاستا. ول ريددەر تۇرعىنى بولۋى مۇمكىن. كادردا ول بىلاپىت ءسوز ايتىپ، كۇلىپ، مىسىقتىڭ اۋىر ءارى سەمىز بولعانىن ايتىپ ءماز بولادى.
"ءقازىر مىناۋ ەريدى، سوسىن بولشەكتەپ، سۋرەتكە ءتۇسىرىپ، ونى تاراتامىن"، – دەيدى قىز ۆيدەودا.
الەۋمەتتىك جەلى قولدانۋشىلارى بۇل ارەكەتتى قاتاڭ سىناپ، قىزدى جاۋاپقا تارتۋدى تالاپ ەتتى.
شىعىس قازاقستان وبلىستىق پوليسيا دەپارتامەنتى بۇل جاعدايعا قاتىستى پىكىر ءبىلدىردى.
"بۇل دەرەك بويىنشا 17 جاستاعى كامەلەتكە تولماعان قىز انىقتالىپ، اتا-اناسىمەن بىرگە پوليسياعا جەتكىزىلدى. ءقازىر بۇل ءىس بويىنشا تەكسەرۋ ءجۇرىپ جاتىر. قىزعا جانە ونىڭ زاڭدى وكىلدەرىنە تۇسىندىرمە جۇمىستارى جۇرگىزىلىپ، قولدانىستاعى زاڭناما تالاپتارى مەن جاۋاپكەرشىلىك تۋرالى ايتىلدى"، – دەپ حابارلادى پوليسيا دەپارتامەنتىنىڭ باسپا ءسوز قىزمەتى.
ءىس ماتەريالدارى ودان ءارى قاراۋ جانە ءتيىستى شارالار قابىلداۋ ءۇشىن كامەلەتكە تولماعانداردىڭ قۇقىقتارىن قورعاۋ جونىندەگى كوميسسياعا جىبەرىلەدى.
ايتا كەتەيىك، پوليسەيلەر قىزدى ءبىر تاۋلىك بويى ىزدەگەن. سەبەبى ول ريددەردەن باسقا قالاعا قونىس اۋدارىپ ۇلگەرگەن.