شوب دامىتۋ جانە مەگاپوليس كاسىپكەرلەرىنە قانداي قولداۋ شارالارى كورسەتىلۋدە، بۇل تۋرالى الماتى قالاسى كاسىپكەرلەر پالاتاسى ءتوراعاسىنىڭ مىندەتىن اتقارۋشى ناريمان يبراگيموۆ وڭىرلىك كوممۋنيكاسيالار قىزمەتىنىڭ الاڭىندا باياندادى، دەپ حابارلايدى Almaty-akshamy.kz.
بريفينگ بارىسىندا سپيكەر الماتىدا كاسىپكەرلەرگە قىزمەت كورسەتەتىن كوپفۋنكسيونالدى ورتالىقتىڭ ىسكە قوسىلعانىن، وندا مەملەكەتتىك، بانكتىك، سەرۆيستىك جانە قارجى ينستيتۋتتارىنىڭ قىزمەتتەرىن قوسا العاندا، زاڭدى تۇلعالارعا ارنالعان 800-دەن استام ءتۇرى كورسەتىلەتىنىن ايتتى. وسىعان ۇقساس ەكى ورتالىق ەلوردا مەن شىمكەنت قالاسىندا پيلوتتىق رەجيمدە جۇمىس ىستەپ جاتىر.
"الماتىدا كاسىپكەرلەر جاڭا ورتالىقتىڭ مۇمكىندىكتەرىن سىناپ جاتىر. شاعىن جانە ورتا كاسىپكەرلىكتىڭ ءوسۋى بويىنشا جىل سايىن الماتى قالاسى قازاقستاندا ءبىرىنشى ورىن الادى. بۇگىندە مەگاپوليستە 380 مىڭعا جۋىق شوب سۋبەكتىسى تىركەلگەن. ونىڭ ىشىندە جۇمىس ىستەپ تۇرعان شاعىن جانە ورتا بيزنەس سۋبەكتىلەرى – 323 مىڭنان استام. بۇل 2022 جىلمەن سالىستىرعاندا 39% جوعارى. ەندى ولاردىڭ بارلىعى جاڭا كاسىپكەرلەرگە قىزمەت كورسەتەتىن كوپفۋنكسيونالدى ورتالىقتا “ءبىر تەرەزە” قاعيداتى بويىنشا قىزمەت الا الادى"، - دەدى ن. يبراگيموۆ.
ول سونداي-اق كاسىپكەرلەرگە قىزمەت كورسەتۋدىڭ كوپفۋنكسيونالدى ورتالىقتارىن بۇكىل ەل اۋماعىندا اشۋ جوسپارلانعانىن ايتتى. جوبانىڭ باستى ماقساتى – بيزنەستى قالىپتاستىرۋدىڭ بارلىق كەزەڭىندە: يدەيادان باستاپ جوبانى تولىق ىسكە اسىرۋعا دەيىن بيزنەس پەن كاسىپكەرلىك باستاماسى بار قازاقستاندىقتاردى كەشەندى سۇيەمەلدەۋ.
كاسىپكەرلەر پالاتاسىنىڭ نەگىزگى قىزمەتى مەن مىندەتى – بيزنەستىڭ قۇقىعى مەن مۇددەلەرىن قورعاۋ. وتكەن جارتىجىلدىقتا وسى باعىتتا كاسىپكەرلەرگە جان-جاقتى قۇقىقتىق كەڭەس بەرۋ ماسەلەلەرى كوتەرىلدى، دەپ اتاپ ءوتتى سپيكەر.
"كەلۋشىلەردىڭ نەگىزگى قۇقىقتارىن مۇقيات جانە ساۋاتتى ءتۇسىندىرۋ ناتيجەسىندە 2022 جىلدىڭ ۇقساس كەزەڭىندە رەسمي وتىنىشتەر سانىن 123-تەن 82-گە دەيىن تومەندەتۋگە قول جەتكىزىلدى. 2023 جىلدىڭ ءبىرىنشى جارتىجىلدىعىندا كەڭەستىڭ 10 وتىرىسى وتكىزىلدى. 22 پروبلەمالىق ماسەلە قارالدى. بارلىق سۇراقتار اۋقىمدى جانە جەكە سويلەۋدى تالاپ ەتەدى"، - دەپ قوستى ول.
سونداي-اق، الماتىدا سىبايلاس جەمقورلىققا قارسى قىزمەتپەن بىرلەسىپ ۇيىمداستىرىلعان “بيزنەسكە جول” جانە “سىبايلاس جەمقورلىققا قارسى ۆولونتەرلىك” جوبالارى اياسىندا كاسىپكەرلەرگە تەگىن قۇقىقتىق كومەك كورسەتۋ بويىنشا اكسياسى ءوتتى.
كاسىپكەرلەرگە ىڭعايلى بولۋ ءۇشىن مەملەكەتتىك ورگانداردىڭ باسشىلارى مەن بىلىكتى زاڭگەرلەر 268 بيزنەس سۋبەكتىسى ورنالاسقان "FORUM" ساۋدا-ويىن-ساۋىق ورتالىعىندا كەڭەس بەردى.
2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا شەڭبەرىندە 2023 جىلدىڭ ءقاڭتار-ساۋىر ايلارى ارالىعىندا 2720 قىزمەت كورسەتىلدى، ونىڭ ىشىندە 2509 بىرەگەي كليەنت، سونىمەن قوسا 1917 جك جانە 161 ج ش س.
سونىمەن قاتار، كاسىپكەرلىك الەۋەتىن دامىتۋ ماقساتىندا ەكى باعىتتا “مەن كاسىپكەر” قۇرالى ىسكە اسىرىلۋدا:
1) كاسىپكەرلىك الەۋەتتى ارتتىرۋ ماقساتىندا قۇزىرەتتەردى وقىتۋدى جانە بەيىندىك وقىتۋدى قامتيتىن “كاسىپكە باعىت”؛
2) ايەلدەر كاسىپكەرلىگىن دامىتۋ ورتالىقتارى.
بۇل قۇرال كاسىپكەرلىك باستامانى ىسكە اسىرۋشىلارعا، سونداي-اق شاعىن جانە ورتا كاسىپكەرلىك سۋبەكتىلەرىنە وتەۋسىز نەگىزدە ۇسىنىلادى.
“2022 جىلى ايەلدەر كاسىپكەرلىگىن دامىتۋ ورتالىقتارىندا 609 قىزمەت كورسەتىلدى. كاسىپكەرلىك قىزمەتتى ودان ءارى دامىتۋ ءۇشىن قالا ايەلدەرىنە ارنالعان كۋرستاردىڭ قاجەتتىلىگىن انىقتاۋ بويىنشا جۇمىستار جۇرگىزىلۋدە. “كاسىپكە باعىت” اياسىندا كاسىپكەرلەر قاجەتتىلىكتەرى انىقتالىپ، ونىڭ نەگىزىندە بەيىندى وقىتۋ جۇمىستارىن جۇرگىزەتىن قىزمەت كورسەتۋشىلەر ىزدەلۋدە”، - دەپ تۇيىندەدى ءسوزىن ن. يبراگيموۆ.