الماتى قالاسىنىڭ كاسىپكەرلەر پالاتاسى مەگاپوليس اۋەجايىندا تاكسي تاريفتەرىن ۇسىندى

الماتى قالاسى كاسىپكەرلەر پالاتاسىنىڭ جانىنداعى تۋريزم كەڭەسى قالا اۋەجايىنداعى تاكسي قىزمەتتەرىنىڭ قۇنىنا تالداۋ جۇرگىزدى. وڭىرلىك كوممۋنيكاسيالار قىزمەتىنىڭ بريفينگىندە پالاتا ءتوراعاسىنىڭ مىندەتىن اتقارۋشى ناريمان يبراگيموۆ جوسىقسىز تاكسي جۇرگىزۋشىلەر ماسەلەسى رەتتەلگەنىن ايتتى، دەپ حابارلايدى Almaty-akshamy.kz. 

سالالىق كوميتەتپەن تاريفتەر ۇسىنىلىپ، اۋەجاي اۋماعىندا تاكسي باعالارى كورسەتىلگەن ءتيىستى ستەندتەر ءىلىندى.

"تۋريستىك ماۋسىم ايىنىڭ باسىندا، ەكى اپتا ىشىندە جۇمىس توبى تاكسيگە تاپسىرىس بەرۋ قىزمەتتەرىن ۇسىناتىن AparuTaxi، Region، Yandex Taxi، Uber، Blue Sky Energy جانە ت.ب. قۇنىن تالداپ، ساپاردىڭ ورتاشا باعاسى ەسەپتەلدى. جولاۋشىلاردى تاسىمالداۋ تاريفتەرى باستاپقى جانە باراتىن پۋنكتكە دەيىن قاشىقتىققا ءارى تاكسي كلاسىنا بايلانىستى 1200-دەن 12000 تەڭگەگە دەيىن وزگەرەدى. ەڭ جوعارى قۇنى اۋەجاي تەرمينالىنان “شىمبۇلاق” تاۋ شاڭعىسى كۋرورتىنا دەيىنگى تاكسيدىڭ پرەميۋم-سەگمەنتىندە كورسەتىلەدى”، - دەپ ءبولىستى ول.

ايتىپ ءوتۋ كەرەك، الماتى قالاسىنىڭ تۋريزم جونىندەگى كەڭەسى قۇرامىنا الماتى قالاسىنىڭ كاسىپكەرلەر پالاتاسىنىڭ، اۆياسيالىق كولىك پروكۋراتۋراسىنىڭ، الماتى قالاسى تۋريزم باسقارماسىنىڭ، الماتى قالاسى حالىقارالىق اۋەجايىنىڭ، تۇركسىب اۋدانى ءىىب جپق، الماتى قالاسى مەملەكەتتىك كىرىستەر دەپارتامەنتىنىڭ، الماتى قالاسى ءىىد-نىڭ، قازاقستاندىق تۋريستىك قاۋىمداستىقتىڭ، الماتى قالالىق تجك وڭىرلىك پالاتاسىنىڭ وكىلدەرى ەندى.

وڭىرلىك پالاتا جانىندا تۋريزم، كرەاتيۆتى يندۋستريالار، ءبىلىم بەرۋ، دەنساۋلىق ساقتاۋ، كولىك جانە لوگيستيكا، قۇرىلىس سالالارى بويىنشا 6 سالالىق كوميتەتى جۇمىس ىستەيتىنىن اتاپ وتكەن ءجون.

سپيكەر حابارلاعانداي، سالالىق كوميتەتتەر بيزنەس-قوعامداستىقپەن، مەملەكەتتىك بيلىك ورگاندارىمەن ءتيىمدى ءوزارا ءىس-قيمىل جاساۋ ماقساتىندا، سونداي-اق بيزنەس سۋبەكتىلەرىنىڭ قىزمەتىن دامىتۋ، جانە ماسەلەلەلەرىن شەشۋ ءۇشىن قۇرىلدى.