پوليسيا قۇقىق بۇزۋشىلىقتاردىڭ الدىن الۋعا باعىتتالعان رەيدتىك ءىس-شارالاردى وتكىزىپ جاتىر.
الماتىلىق پوليسەيلەر زاڭسىز قايتا جابدىقتالعان كولىكتەردى انىقتادى، – دەپ حابارلايدى Almaty-akshamy.kz
Polisia.kzء-تىڭ مالىمەتىنشە، تاكسي رەجيمىندە جولاۋشىلاردى تاسىمالداۋدى جۇزەگە اسىراتىن زاڭدى جانە جەكە تۇلعالاردىڭ قر-نىڭ جول قوزعالىسى قاۋىپسىزدىگىن قامتاماسىز ەتۋ سالاسىندا قولدانىستاعى ق ر “اۆتوموبيل كولىگى تۋرالى”، “جول قوزعالىسى تۋرالى”، “ق ر جقە جانە جولاۋشىلار مەن جۇك تاسىمالداۋ ەرەجەلەرىن ساقتاۋ” زاڭناماسىن بۇزۋ دەرەكتەرىنىڭ كوبەيۋىنە بايلانىستى الماتى پوليسياسى قۇقىق بۇزۋشىلىقتاردىڭ الدىن الۋ جانە جولىن كەسۋگە باعىتتالعان رەيدتىك ءىس-شارالاردى وتكىزىپ جاتىر. تاجىريبەدە ۋاكىلەتتى ورگاننىڭ كەلىسىمىنسىز قايتا جابدىقتاۋ، جارنامالىق قۇرىلىمداردى، لايت-بوكستاردى، ەلەكتروندى پاننولاردى ورناتۋ، سونداي-اق جولاۋشىلاردى قاۋىپسىزدىك بەلدىكتەرىن تاقپاي تاسىمالداۋ، بالالاردى ۇستاۋ ورىندارى مەن اۆتوكولىك ورىندىقتارىن قولدانباي تاسىمالداۋ سەكىلدى زاڭ بۇزۋشىلىقتار ءجيى كەزدەسەدى.
«ادامداردىڭ قاۋىپسىزدىگىنە قاتىستى تەحنيكالىق رەگلامەنتتەر مەن ستاندارتتاردىڭ بارلىق تالاپتارى ورىندالۋى كەرەك. سونىمەن قاتار قالا اۋماعىندا جارنامالىق قۇرىلىمدار مەن ەلەكتروندى تابلولاردى ورناتۋعا قاتىستى قولدانىستاعى زاڭناما تالاپتارىن بۇزا وتىرىپ، مەحانيكالىق اۆتوكولىكتەردى پايدالانۋ دەرەكتەرى جيىلەپ كەتكەنىن ايتا كەتۋ كەرەك»، دەدى، الماتى قالاسى پد اكىمشىلىك پوليسيا باسقارماسىنىڭ باسشىسى اسحات قۇلبايەۆ.
سپيكەردىڭ ايتۋىنشا، بۇل قايتا جابدىقتاۋلار جول قوزعالىسىنىڭ باسقا قاتىسۋشىلارىن الاڭداتادى.
«كوبىنەسە ولاردى ورناتۋ جانە كولىك قۇرالىنىڭ بورتتىق جەلىسىنە قوسۋ “ق ر ست 31306 اۆتوكولىك قۇرالدارى. سىرتقى بەتتەردەگى جارناما”، ق ر اقبتك-نىڭ 590-بابى 5-بولىگى (كولiك قۇرالدارىن پايدالانۋ قاعيدالارىن بۇزۋ) بويىنشا ءىس قوزعالادى. جۇرگىزۋشىلەر كولىكتەرىن جوعارىداعى زاڭ تالاپتارىنا سايكەس كەلتىرۋى قاجەت. زاڭ بۇزۋشىلىقتار انىقتالعان جاعدايدا پوليسيا قىزمەتكەرلەرى ولاردى اكىمشىلىك جاۋاپكەرشىلىككە تارتادى»، دەدى اسحات قۇلبايەۆ.