الەۋمەتتىك جەلى پايدالانۋشىلارىنىڭ جولاۋشىلاردى اۋە كولىگىمەن تاسىمالداۋ باعاسىنا قاتىستى جازبالارىنا بايلانىستى ق ر يندۋستريا جانە ينفراقۇرىلىمدىق دامۋ مينيسترلىگى وسى تاراپتا ارنايى تالداۋ جۇرگىزدى.
ساراپتامادا وتاندىق جانە شەتەلدىك اۆيا تاسىمالداۋشى كومپانيالاردىڭ تاريفتەرى مەن باعا ساياساتى قامتىلدى، دەپ حابارلايدى Almaty-akshamy.kz.
اتاپ ايتقاندا، قازاقستاندىق Fly Arystan لوۋكوست-اۋەكومپانياسى بىرنەشە باعىت بويىنشا شەتەلدىك اۋە كومپانيالارىمەن سالىستىرعاندا ءتيىمدى باعا ۇسىناتىندىعى ايقىندالدى. ماسەلەن، Fly Arystan كومپانياسىنىڭ 3 594 شاقىرىم قاشىقتىقتى قۇرايتىن تۇركىستان – ستامبۇل باعىتىنداعى 2022 جىلدىڭ 6 قىركۇيەگىندەگى بيلەت قۇنى 86 482 تەڭگە بولسا، اتالعان قاشىقتىقتاعى Turkish Airlines كومپانياسىنىڭ نۇر-سۇلتان – انتاليا باعىتىنداعى بيىلعى 1 قىركۇيەكتەگى بيلەت باعاسى 286 823 تەڭگە كولەمىندە.
سايكەس باعىت بويىنشا قازاقستاندىق «ەير استانا» كومپانياسىنىڭ اعىمداعى جىلعى 1 قىركۇيەكتەگى بيلەت قۇنى 186 474 تەڭگە مولشەرىندە. بۇل تاريف تۇركيالىق اۋە تاسىمالداۋشىنىڭ باعاسىمەن سالىستىرعاندا 100 مىڭ تەڭگەگە تومەن.
وسى رەتتە اتاپ وتەرلىگى، بارلىق اۋە تاسىمالداۋشى كومپانيالار ديناميكالىق باعا ساياساتى جۇيەسىن قولدانادى. ماسەلەن، ەرتەرەك بروندالعان بيلەت قۇنى ۇشۋ الدىندا الىنعان بيلەت باعاسىنان بىرنەشە ەسە تومەن. سايكەسىنشە، تالداۋ بارىسىندا ءتۇرلى اۆياكومپانيالاردىڭ بەلگىلى ءبىر داتاداعى تاريفىن سالىستىرۋ ماڭىزدى ءرول اتقارادى. بۇل ناقتى ءارى ايقىن تالداۋ جۇرگىزۋگە مۇمكىندىك بەرەدى.
وسى تاراپتا تاعى ءبىر مىسال، قاشىقتىعى «Pegasus Airlines» كومپانياسىنىڭ 2 690 شاقىرىمدى قۇرايتىن ستوكگولم – انتاليا باعىتىنداعى بيىلعى جىلدىڭ 1 قىركۇيەگىندە بيلەت باعاسى 42 302 تەڭگەنى قۇرايدى.
تالداۋ ناتيجەسى كورسەتكەندەي، قازاقستاندىق اۆياكومپانيالارداعى بيلەت قۇنى شەتەلدىك اۋە تاسىمالداۋشىلارمەن سالىستىرعاندا ءتيىمدى جانە قولجەتىمدى. ەڭ باستىسى – ساپاردى الدىن الا جانە دەر كەزىندە جوسپارلاعان ءجون.