الماتىدا «باقىت دەگەن – سەنىڭ بالا كۇندەرىڭ» بايقاۋىنىڭ كەزەكتى ماۋسىمى باستالادى

الماتىدا جىل سايىن وتەتىن «باقىت دەگەن – سەنىڭ بالا كۇندەرىڭ» اتتى بالالار اراسىنداعى ۆوكالدىق فەستيۆال-بايقاۋىنىڭ كەزەكتى ماۋسىمى باستالادى.

ءىس-شارا 2022 جىلدىڭ 21-22 شىلدەسىندە «الاتاۋ» ءداستۇرلى ونەر تەاترىندا وتەدى، دەپ حابارلايدى Almaty-akshamy.kz.

فەستيۆال بيىل التىنشى جىل قاتارىنان وتكىزىلگەلى وتىر. بيىل بايقاۋعا قازاقستاننىڭ ءار وڭىرىنەن 6 مەن 16 جاس ارالىعىنداعى 11 بالا قاتىسادى. بايقاۋ 3 كەزەڭنەن تۇرادى.  ءبىرىنشى كەزەڭدە قاتىسۋشى قازاقستاندىق ءحيتتى ورىندايدى، ەكىنشى كەزەڭدە شەتەلدىك حيت ورىندالادى. ال ءۇشىنشى كەزەڭ «جۇلدىزدى دۋەت» دەگەن اتاۋمەن گالا-كونسەرت فورماتىندا وتەدى. بايقاۋعا قاتىسۋشى ونەرلى بالالار وتاندىق ەسترادانىڭ جارىق جۇلدىزدارى الىشەر كارىموۆپەن، انەل ارەنوۆامەن، سالتانات قۇدايبەرگەن جانە باسقا دا انشىلەرمەن بىرگە دۋەت ورىندايدى. 

وتكەن 5 ماۋسىمدا ەلىمىزدىڭ تۇكپىر-تۇكپىرىنەن بايقاۋعا قاتىسۋعا 7000-داي ءوتىنىش تۇسكەن. وسى بايقاۋدىڭ 50-گە تارتا قاتىسۋشىسى ەلىمىزدە جانە شەتەلدەردە وتكەن ءتۇرلى فەستيۆالدار مەن بايقاۋلاردىڭ لاۋرەاتى اتانىپ ۇلگەردى. بۇل ءىس-شارانىڭ شىعىنىن تولىقتاي دەمەۋشىلەر كوتەرەدى.  ۇيىمداستىرۋشىلار حالىقتىڭ الەۋمەتتىك وسال توپتارىنداعى بالالار اراسىندا شىعارماشىلىقتى ناسيحاتتاۋدى ماقسات ەتەدى.

ۋاقىتى: 21 شىلدە، 12:00 – 1،2 كەزەڭ.
22 شىلدە، 12:00 - 3 كەزەڭ (ونەر جۇلدىزدارىنىڭ قاتىسۋىمەن گالا-كونسەرت).

وتەتىن ورنى: "نۇركەنت" شاعىناۋدانى، 6، «الاتاۋ» ءداستۇرلى ونەر تەاترى.

اككرەديتاسياعا ارنالعان بايلانىس نومەرى: 
+7 747 718 4118، نۇراتا وڭعارباي، مادەنيەت باسقارماسى؛
+7 708 769 95 90، زەرە نۇرىمجانوۆا، ۇيىمداستىرۋشالار توبى.