شەتەلدىك اۆتوكولىك وندىرۋشىلەر ءوز ونىمدەرىن رەسەيگە تاسىمالداۋدان باس تارتتى

2021 جىلدىڭ بويىندا رەسەيدە 1،667 ميلليون جاڭا جەڭىل جانە جەڭىل كوممەرسيالىق اۆتوموبيلدەر ساتىلعان

2022 جىلى رەسەيلىك اۆتوكولىك نارىعى 40 مىڭعا جۋىق جاڭا كولىكپەن تولىقپاي قالۋى مۇمكىن. جولعا شىعىپ ۇلگەرگەن اۆتوموبيلدەر ديلەرلىك ورتالىقتارعا جەتكىزىلەدى، دەپ حابارلايدى Almaty-akshamy.kz Zakon.kz-كە سىلتەمە جاساپ.

ۆەدوموستي باسىلىمىنىڭ جازۋىنشا ولاردىڭ قاتارىندا Audi، General Motors، Volkswagen، Skoda، Citroen، Porsche جانە Jaguar Land Rover دە بار.
كەيبىر اۆتووندىرۋشىلەردىڭ وكىلدەرى بۇل شارانىڭ جولعا شىعىپ كەتكەن اۆتوموبيلدەرگە اسەر ەتپەيدى دەپ سەندىردى.

ەۋروپالىق بيزنەس قاۋىمداستىعىنىڭ مالىمەتتەرى بويىنشا، 2021 جىلدىڭ بويىندا رەسەيدە 1،667 ميلليون جاڭا جەڭىل جانە جەڭىل كوممەرسيالىق اۆتوموبيلدەر ساتىلعان. ولاردىڭ باسىم بولىگى جەرگىلىكتى وندىرىسكە تيەسىلى.

اتالعان برەندتەردەگى جاڭا جەڭىل كولىكتەردىڭ يمپورتى 37 979 دانانى قۇرايدى.

اۆتوموبيل ونەركاسىبى جونىندەگى تاۋەلسىز كەڭەسشى سەرگەي بۋرگازلييەۆتىڭ ايتۋىنشا، بۇل - از كولەم، ال ەگەر جاڭا كولىكتەردى جونەلتۋدى توقتاتا تۇرۋ تۋرالى مالىمدەگەندەرگە ەندى ەشكىم قوسىلماسا، وندا رەسەي نارىعى 2022 جىلى شامامەن 40 مىڭ جاڭا كولىكپەن تولىقپاي قالۋى مۇمكىن.