قازاقستان حالقىنىڭ جارتىسىنا جۋىعى ءالى دە قورعالماعان
ەۋروپانىڭ كەيبىر ەلدەرى مەن كورشىلەس وزبەكستان دا COVID-19-عا بايلانىستى كارانتيندىك شەكتەۋلەردەن باس تارتۋدا. قازاقستاندا بۇل مۇمكىن بە؟ بۇل ساۋالعا قاتىستى عالىمدار ءوز ويلارىمەن ءبولىستى، دەپ حابارلايدى Almaty-akshamy.kz zakon.kz سايتىنا سىلتەمە جاساپ.
اسفەندياروۆ اتىنداعى قازۇمۋ عالىمدارى دەربەستەندىرىلگەن جانە پريەۆەنتيۆتى مەديسينانى ەنگىزۋدىڭ عىلىمي-تەحنيكالىق ۇلتتىق باعدارلاماسىن ىسكە اسىرۋ شەڭبەرىندە قازاقستاندا كارانتيندىك شەكتەۋلەردى تولىعىمەن الىپ تاستاۋ قانشالىقتى ورىندى دەگەن سۇراققا جاۋاپ بەرۋگە تىرىسىپ كوردى.
عالىمدار كوروناۆيرۋستىڭ تارالۋ ەرەكشەلىكتەرىن زەردەلەي كەلە، ونى ەمدەۋ جولدارى بويىنشا ماماندارعا ۇسىنىستار جاساعان. باعدارلاما 2021 جىلدىڭ 1 قىركۇيەگىنەن باستاپ جۇزەگە اسىرىلىپ كەلەدى.
قازاقستان اۋماعىندا تارالعان COVID-19-دىڭ ەپيدەميولوگيالىق زەرتتەۋى كوبىنە وسى اۋرۋدىڭ 40 پايىزى سيمپتومى بىلىنبەيتىن تۇرگە جاتاتىنىن كورسەتتى.
سونىمەن قاتار، COVID-19-دىڭ اۋىر ءجۇرۋى مەن ولىمگە اكەلىپ سوقتىرۋ جاعدايلارى ناۋقاستىڭ جاسىنا جانە قوسالقى جۇرەتىن اۋرۋلاردىڭ بولۋىنا تىكەلەي بايلانىستى بولىپ كەلەدى.
سونداي-اق بالالار اراسىندا COVID-19 ەپيدەميولوگياسىن زەرتتەۋ ناتيجەلەرى دە جاريالاندى، ونداعى دەرەكتەر بويىنشا قازاقستاندا بالالاردا COVID-19 جۇقتىرۋ جاعدايلارىنىڭ كوپشىلىگى سيمپتومى بىلىنبەيتىنگە نەمەسە بەلگىلەرى ورتاشا دەڭگەيدە بولعانى اتاپ وتىلەدى.
وسى جاعدايلاردى ەسەپكە الا وتىرىپ، عالىمدار: "شەكتەۋلەردى الىپ تاستاۋ كەرەك پە" دەگەن ماڭىزدى سۇراققا جاۋاپ بەرۋى كەرەك بولادى. ماماندار قازاقستاننىڭ ءۇش ءىرى قالاسىندا SARS-CoV-2 ۆيرۋسىنا قارسى انتيدەنەلەردىڭ تارالۋىن زەرتتەدى.
الىنعان ناتيجەلەر سەروپريەۆالەنتتىلىكتىڭ اقىلعا قونىمدى دەڭگەيىنە قاراماستان، ەلىمىزدە ۇجىمدىق يممۋنيتەتتىڭ بازالىق دەڭگەيى ءالى يگەرىلمەي جاتقانىن كورسەتەدى. اۋرۋدىڭ اسيمپتوماتيكالىق نەمەسە سۋبكلينيكالىق تۇرلەرىنىڭ تارالۋىن باعالاۋ كورسەتكىشى 64-تەن 81%-عا دەيىن وزگەردى.
وسىلايشا، قازاقستان حالقىنىڭ جارتىسىنا جۋىعى ءالى دە قورعالماعانىن ەسكەرە وتىرىپ، حالىقتى SARS-CoV-2 بەرىلۋىنەن قورعاۋ ءۇشىن الەۋمەتتىك قاشىقتىق، مەديسينالىق بەتپەردەنى پايدالانۋ جانە ۆاكسينالاۋ سياقتى پروفيلاكتيكالىق ستراتەگيالاردىڭ ماڭىزدىلىعى ءوز كۇشىندە قالا بەرەدى، دەدى قازۇمۋ عالىمدارى.
سونداي-اق زەرتتەۋلەر اياسىندا ۆاكسينالاۋ كەزىندە الەۋمەتتىك توپتارعا باسىمدىق بەرۋ بويىنشا ۇسىنىستار ۇسىنىلدى.
مىسالى، عالىمدار جوسپارلى وتاعا مۇقتاج ناۋقاستارعا جالپى حالىققا قاراعاندا باسىمدىق بەرۋدى ۇسىنادى. ياعني، ولاردى ءبىرىنشى كەزەكتە ۆاكسينالاۋ وزەكتى.
سونىمەن قاتار COVID-19-دان ەمدەلگەن ناۋقاستاردى، وعان قارايتىن قامقورشىلارى مەن تۋىستارىن ينفەكسيادان قورعانىسىن ارتتىرۋ ۇسىنىلادى.
سونىمەن بىرگە عالىمدار جەكەلەگەن ناۋقاستار ءۇشىن حيرۋرگيالىق قىزمەتتەردىڭ كەڭ سپەكترىن قالپىنا كەلتىرۋ ءقاۋىپسىز بولادى دەگەن قورىتىندىعا كەلدى.