قازىرگى ۋاقىتتا ەۆاكۋاسيالاۋ تۋرالى 528 ءوتىنىش كەلدى
سىرتقى ىستەر مينيسترلىگىنىڭ رەسمي وكىلى ايبەك سمادياروۆ ۋكرايناداعى قازاقستان ازاماتتارىن ەلگە قايتارۋدى ۇيىمداستىرۋ پروسەسىنە قاتىستى مالىمدەمە جاسادى، دەپ حابارلايدى Almaty-akshamy.kz Baq.kz سايتىنا سىلتەمە جاساپ.
ايبەك سمادياروۆ ءقازىر قازاقستاندىقتاردى ەلگە جەتكىزۋ ءۇشىن ۋكراينا شەكاراسىندا 3 اۆتوبۋس تۇرعانىن ايتتى.
«قازىرگى ۋاقىتتا ەۆاكۋاسيالاۋ تۋرالى 528 ءوتىنىش كەلدى. ۋكراينادان پولشا ارقىلى 26 اقپان نەمەسە 27 اقپاندا العاشقى رەپاترياسيالىق رەيس جوسپارلانۋدا. الداعى ۋاقىتتا تاعى دا رەيستەر ۇيىمداستىرىلادى. ءقازىر وتانداستارىمىز 7 ساعات بويى شەكارا كەزەگىندە تۇر. سەبەبى ەلدەن شىققىسى كەلەتىندەر كوپ. ەل حالقىن سابىرعا شاقىرامىز. ءبىز قولدان كەلگەننىڭ ءبارىن قاراستىرىپ جاتىرمىز»، - دەدى ول باسپا ءسوز ءماسليحاتىندا.
ونىڭ اتاپ وتۋىنشە، شەكارادا تۇرعان العاشقى اۆتوبۋستا 49 ادام، ەكىنشى اۆتوبۋستا 46 ادام جانە تاعى ءبىر اۆتوبۋستا 79 ادام بار.