200 ەۋرو مەن 31 كەلىدەن اساتىن تاۋار ءۇشىن ەلەكتروندى ساۋدا دەكلاراسياسىن تاپسىرۋ قاجەت، دەپ حابارلايدى aqshamnews.kz
پرەمەر-مينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين ماركەتپلەيستەردەن تاۋار ساتىپ العاندا دەكلاراسيا تاپسىرۋ ءتارتىبىن ءتۇسىندىردى.
"بۇگىندە 200 ەۋرو مەن 31 كەلى دەپ وتىرمىز. وسى شەكتەۋدىڭ اياسىندا دەكلاراسيا ءۇشىن اقى الىنبايدى. سوندىقتان بۇل جەردە ەشتەڭە وزگەرمەيدى. ال شەكتى نورمادان اسقان تاۋارلار ءۇشىن دەكلاراسيانىڭ اقىسى شامامەن 4000-5000 تەڭگەدەي بولادى. وپەراتور ونى ءوزى بەلگىلەيدى"، - دەدى جۇمانعارين.
ايتا كەتەرى، ءماجىلىس دەپۋتاتتارى 2017 جىلعى 11 ساۋىردەگى ەۋرازيالىق ەكونوميكالىق وداقتىڭ كەدەن كودەكسى تۋرالى شارتقا وزگەرىستەر ەنگىزۋ تۋرالى حاتتامانى راتيفيكاسيالاۋعا ارنالعان زاڭىنىڭ جوباسىن قاراۋعا كىرىستى.