قازاقستان مادەنيەتىنىڭ كوكجيەگىن كەڭەيتىپ، ەل ابىرويىن اسقاقتاتىپ جۇرگەن ونەر يەلەرى الەمدىك ساحنادا لايىق باعاسىن الىپ ءجۇر. اqshamnews.kz شەتەلدەن ماراپات پەن اتاق العان تانىمال قازاقستاندىق تۇلعالارعا شولۋ جاسادى.
ديماش قۇدايبەرگەن
كەشە عانا وتانداسىمىز، الەمگە ايگىلى ءانشى ديماش قۇدايبەرگەن قىرعىز رەسپۋبليكاسىنىڭ "حالىق ءارتىسى" اتاعىن يەلەندى. بۇل تۋرالى 22 شىلدەدە "مەيكين ازيا" فەستيۆالىنىڭ جابىلۋ سالتاناتىندا ايتىلدى. ءتيىستى جارلىققا قىرعىز رەسپۋبليكاسىنىڭ پرەزيدەنتى سادىر جاپاروۆ قول قويدى. سىيلىقتى مەملەكەتتىك حاتشى مارات يمانقۇلوۆ تابىس ەتتى.
روزا رىمبايەۆا
بىلتىر ساۋىردە روزا قۋانىش قىزى رىمبايەۆا "قىرعىز رەسپۋبليكاسىنىڭ حالىق ءارتىسى" اتاندى.
19 ساۋىردە قىرعىزستاننىڭ مەملەكەتتىك حاتشىسى سۇيىنبەك قاسمامبەتوۆ مادەنيەت جانە ونەر وكىلدەرىن مەملەكەتتىك ناگرادالارمەن ماراپاتتاۋ عاسىرلارعا ۇلاسقان دوستىقتىڭ، ورتاق مادەنيەتتىڭ، دامىپ كەلە جاتقان ىنتىماقتاستىقتىڭ بەلگىسى ەكەنىن اتاپ ءوتتى.
"1996 جىلى ماعان قىرعىزستاننىڭ ەڭبەك سىڭىرگەن مادەنيەت قايراتكەرى اتاعى بەرىلدى. 28 جىلدان كەيىن "قىرعىز رەسپۋبليكاسىنىڭ حالىق ءارتىسى" قۇرمەتتى اتاعىن الىپ وتىرمىن. بۇل مەن ءۇشىن ۇلكەن جەتىستىك"، - دەگەن ەدى ول.
التىنبەك قورازبايەۆ
"قىرعىز رەسپۋبليكاسىنىڭ حالىق ءارتىسى" قۇرمەتتى اتاعى قازاقستاندىق بەلگىلى كومپوزيتور التىنبەك قورازبايەۆقا دا تابىس ەتىلدى.
1973 جىلدان جامبىل وبلىستىق "الاتاۋ" ەسترادالىق ءانسامبلىنىڭ كوركەمدىك جەتەكشىسى، سونان سوڭ وبلىستىق فيلارمونيا ديرەكتورى بولىپ ىستەدى. حالىق ءسۇيىپ تىڭدايتىن "قارا كەمپىر"، "قارا شال"، "شاشباۋلىم"، "سىرعالىم"، "اياۋلى تارازىم"، "اتا"، "ساعىندىم اتامدى" اندەرىنىڭ اۆتورى.
جەڭىسبەك پيازوۆ
وزبەكستان رەسپۋبليكاسى تاۋەلسىزدىگىنىڭ 30 جىلدىعىنا وراي كەشە وزبەكستان رەسپۋبليكاسى پرەزيدەنتىنىڭ ءبىر توپ ونەر، مادەنيەت، سپورت جانە قوعام قايراتكەرلەرىن مەملەكەتتىك اتاقتارمەن ماراپاتتاۋ تۋرالى جارلىعى شىقتى. سولاردىڭ اراسىندا ەتنيكالىق قازاق، ايگىلى وپەرا ءانشىسى جەڭىسبەك پيازوۆ "وزبەكستان حالىق ءارتىسى" اتاعىن الدى.
رەپەر Imanbek
2021 جىلى يمانبەك زەيكەنوۆ (Imanbek) رەپەر Saint JHNء-تىڭ Roses كومپوزيسياسىنا جاساعان رەميكسى ءۇشىن Grammy سىيلىعىن جەڭىپ العان ەدى.
Grammy - امەريكالىق دىبىس جازۋ اكادەمياسىنىڭ پرەمياسى، اقش دىبىس جازۋ قاۋىمداستىعىمەن 14 ناۋرىزدا 1958 جىلى قۇرىلعان بولاتىن. بۇگىنگى كۇنى مۋزىكا يندۋسترياسىندا ەڭ ابىرويلى ماراپات جانە كينو يندۋسترياسىندا تەك "وسكارمەن" تەڭەسەدى.
