بيىلعى جىلى كۇن بەلسەندىلىگىنىڭ 11ء-شى شىڭىنا بايلانىستى شەگىرتكە زيانكەستەرىنىڭ تارالۋىمەن قيىن جاعداي ورىن الدى.
بولجامدار شەگىرتكەلەردىڭ 2،5 ميلليون گەكتار اۋماققا تارالۋىن كورسەتتى، ءبىراق ءىس جۇزىندە 3،1 ميلليون گەكتار اۋماقتا حيميالىق وڭدەۋ جۇرگىزىلدى، دەپ حابارلايدى aqshamnews.kz اۋىل شارۋاشىلىعى مينيسترلىگىنە سىلتەمە جاساپ.
بۇل ماقساتتارعا رەسپۋبليكالىق بيۋدجەتتەن 4،2 ملرد.تەڭگە، ال ۇكىمەت رەزەرۆىنەن — 3،9 ملرد. تەڭگە ءبولىندى. قابىلدانعان شارالاردىڭ ناتيجەسىندە اۋىل شارۋاشىلىعى داقىلدارىنىڭ زاقىمدانۋىن بولدىرماۋعا جانە كورشى مەملەكەتتەردىڭ اۋماعىندا شەگىرتكەلەردىڭ كوشى-قونىنا جول بەرمەۋگە مۇمكىندىك تۋدى. قورعانىس ءىس-شارالارىنا 2500-دەن استام ادام قاتىستى، 427 بۇرىككىش تەحنيكا جۇمىلدىرىلدى.
پەستيسيدتەر مەن حيميالىق وڭدەۋ قىزمەتتەرىن مەملەكەتتىك ساتىپ الۋدى جۇرگىزۋ كەزىندە ۇكىمەت رەزەرۆىنەن قاراجات ەسەبىنەن 694،78 ملن. تەڭگە كولەمىندە ۇنەمدەۋ قالىپتاستى.
ۇكىمەت بۇل قاراجاتتى شەگىرتكەلەرگە قارسى زەرتتەۋلەر مەن حيميالىق وڭدەۋلەر جۇرگىزۋ ءۇشىن، سونداي-اق قورعانىس ءىس-شارالارىن ۇيىمداستىرۋدى باقىلاۋ ءۇشىن اۆتوكولىكتەردى ساتىپ الۋعا پايدالانۋ تۋرالى شەشىم قابىلدادى. 7 زەرتتەۋ دروندارى، 46 حيميالىق وڭدەۋ دروندارى جانە 38 اۆتوموبيلدەر ساتىپ الىندى.
دروندار شەگىرتكەلەردىڭ دامۋى مەن تارالۋىن باقىلاۋ ءۇشىن، سونداي-اق ءداستۇرلى بۇركۋ ادىستەرىن قولدانۋ مۇمكىن ەمەس جەرلەردە حيميالىق وڭدەۋ ءۇشىن قولدانىلادى. سونداي-اق، مەملەكەتتىك فيتوسانيتاريالىق باقىلاۋدى قامتاماسىز ەتۋگە ارنالعان اۆتوموبيلدەرگە دەگەن قاجەتتىلىك 100% جاڭارتىلدى، بۇل جارامسىز بولىپ قالعان كولىك قۇرالدارىن اۋىستىرۋعا مۇمكىندىك بەرەدى.