جەكپە-جەك 5 اقپاندا لاس ۆەگاس قالاسىندا وتەدى
جارتىلاي ورتا سالماقتاعى قازاقستاندىق فايتەر شاۆكات راحمونوۆتىڭ UFC الاڭىنداعى جەكپە-جەگى ءبىر ساتى كوتەرىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ەسكە سالا كەتەيىك، شاۆكات راحمونوۆتىڭ گايانا سپورتشىسى كارلستون حارريسقا قارسى ايقاسى 5 اقپان كۇنى امەركيانىڭ لاس ۆەگاس قالاسىندا وتەدى.
Sports.kz رەسۋرسىنىڭ مالىمەتىنشە، كەزدەسۋ UFC Fight Night 200 ءتۋرنيرىنىڭ الدىن الا كاردىنان باستى كاردىنا اۋىستىرىلدى.
شاۆكات راحمونوۆ ءۇشىن بۇل - UFC مەين كاردىنداعى دەبيۋت جانە جالپى وسى پروموۋشنداعى ءۇشىنشى جەكپە-جەك بولادى.
ايتا كەتەيىك، مۇنىڭ الدىندا قازاقستاندىق فايتەردىڭ UFC-دە وتكىزگەن ەكى جەكپە-جەك ءۇشىن قانشا تابىس تاپقانىن جازعان بولاتىنبىز.
شاۆكات راحمونوۆ UFC-گە العاش رەت 2020 جىلدىڭ قازان ايىندا شىققان.
العاشقى جەكپە-جەگىندە قازاقستاندىق سپورتشى ءبىرىنشى راۋندتا برازيليالىق الەكس وليۆەيرانى (22-10-1-2) جەڭىپ شىقتى.
شاۆكاتتىڭ بۇل جەكپە-جەك ءۇشىن العان گونورارى 37 500 دوللاردى قۇرادى (10 000 دوللار — وكتاگونعا شىققانى ءۇشىن، 10 000 دوللار – جەڭىسكە جەتكەنى ءۇشىن، 3 500 دوللار — جىگەرلەندىرۋ بونۋسى، تاعى 14 000 دوللاردى راحمونوۆقا سالماق ولشەۋدەن وتپەي قالعان قارسىلاسى «سىيلاعان»).