ق ر پرەمەر-مينيسترى ءاليحان سمايىلوۆ ەلوردا اۋەجايىندا ءبىرقاتار حالىقارالىق شاراعا قاتىسۋ ءۇشىن ەلىمىزگە كەلگەن وزبەكستان پرەزيدەنتى شاۆكات ميرزيويەۆ پەن قىرعىز رەسپۋبليكاسىنىڭ پرەزيدەنتى سادىر جاپاروۆتى قارسى الدى، دەپ حابارلايدى Almaty-akshamy.kz.
قوس مەملەكەتتىڭ پرەزيدەنتتەرى ازياداعى ءوزارا ءىس-قيمىل جانە سەنىم شارالارى جونىندەگى VI سامميتكە (12-13 قازان)، تمد مەملەكەت باسشىلارى كەڭەسىنىڭ وتىرىسىنا (14 قازان) جانە "ورتالىق ازيا – رەسەي" سامميتىنە (14 قازان) قاتىسادى.
الدىندا ۇكىمەت باسشىسى ءاليحان سمايىلوۆ اۋەجايدان ازەربايجان پرەزيدەنتى يلحام الييەۆتى قارسى العان بولاتىن.