2024 جىلدىڭ 9 شىلدەسىندە قازاقستان ۇلتتىق بانكى (قۇب) قانىش ساتبايەۆتىڭ 125 جىلدىعىنا ارنالعان كوللەكسيالىق مونەتالاردى اينالىسقا شىعاراتىنىن ءمالىم ەتتى، دەپ حابارلايدى اlmaty-akshamy.kz.
قازاقستان ۇلتتىق بانكى "ەستە قالاتىن وقيعالار مەن ءبىرتۋار ادامدار" سەرياسىنان QANYSH SÁTBAEV. 125 JYL كوللەكسيالىق مونەتالارىن اينالىسقا شىعارادى.
مونەتالاردىڭ ساتۋعا قاشان شىعارىلاتىنى تۋرالى اقپارات قۇب رەسمي سايتىندا قوسىمشا ورنالاستىرىلادى.
قانىش ساتبايەۆ – كەڭەستىك گەولوگ-عالىم، عىلىم جانە قوعام قايراتكەرى، پروفەسسور، قازاق كسر عىلىم اكادەمياسىنىڭ تۇڭعىش پرەزيدەنتى.
نومينالى 2 000 تەڭگەلىك مونەتادا مارگانەس رۋداسىنىڭ، مينەرالدىڭ ءتۇسىن بىلدىرەتىن كۇرەڭ قىزىل تۇسكە يە تانتال ساقيناسى بار. بۇل ءىرى كەن ورنىن ق. ساتبايەۆ جەزدى اۋىلىنىڭ ماڭىندا تاۋىپ، يگەرگەن. مارگانەس ۇلى وتان سوعىسى كەزىندە بروندى تەحنيكاعا ارنالعان بولات قورىتپالارى وندىرىسىندە كەڭىنەن قولدانىلىپ، كسرو-عا مارگانەس كەنىنىڭ 70%-دان استامىن بەرىپ وتىرعان.
