قاراعاندىنىڭ «ءشاحتور» كلۋبى رەسمي تۇردە Freedom Holding Corp كومپانياسىنىڭ مەنشىگىنە ءوتتى، دەپ حابارلايدى اqshamnews.kz ءتىلشىسى. حولدينگ باسشىسى – قازاقستاندىق كاسىپكەر تيمۋر تۋرلوۆ.
جاڭا يەلەر قاراعاندى وبلىسىندا فۋتبولدىڭ تولىققاندى ەكوجۇيەسىن قۇرۋدى جوسپارلاپ وتىر. جوباعا جالپى 18،5 ملرد تەڭگە بولىنەدى: ونىڭ 12 ملرد تەڭگەسى جاڭا فۋتبول اكادەمياسىنىڭ قۇرىلىسىنا، 6،5 ملرد تەڭگەسى بۇقارالىق جانە جاستار فۋتبولىن دامىتۋعا باعىتتالادى.
قاراعاندى وبلىستىق فۋتبول قاۋىمداستىعىنىڭ پرەزيدەنتى تيمۋر تۋرلوۆتىڭ قولداۋىمەن بىرنەشە باستاما ىسكە اسىپ جاتىر:
-
«العا!» مەكتەپ جوباسى – 2029 جىلعا دەيىن 40 مىڭنان استام وقۋشى مەن 3600 ستۋدەنتتى قامتۋ، 100-دەن استام مەكتەپتە فۋتبول باعدارلاماسىن ەنگىزۋ؛
-
Freedom BFL رەسمي جاستار ليگاسى؛
-
«ءشاحتور» فۋتبول اكادەمياسىنىڭ قۇرىلىسى؛
-
وڭىرلىك فۋتبولدى كەشەندى دامىتۋ ستراتەگياسى.
جاڭا اكادەميا شامامەن 10 گەكتار اۋماقتا سالىنىپ، جىل بويى جۇمىس ىستەيتىن جابىق ارەنا، تولىق ولشەمدى جاتتىعۋ الاڭى، ەكى قاباتتى اكىمشىلىك-تۇرمىستىق كەشەن، مەديسينا ورتالىعى، باسسەين، ساۋنا، اسحانا جانە ستۋدەنتتەرگە ارنالعان جاتاقحانادان تۇرادى.
سونىمەن قاتار جاتتىقتىرۋشىلاردى دايارلاۋعا ەرەكشە ءمان بەرىلىپ، ولارعا حالىقارالىق تاجىريبە الماسۋعا جانە ۋەفا ليسەنزيالارىن الۋعا مۇمكىندىك جاسالادى. فۋتبول ينفراقۇرىلىمى قالادا عانا ەمەس، اۋىلدىق ەلدى مەكەندەردە دە دامىتىلادى.