«التىن-ەمەل» ۇلتتىق پاركىندە ورناتىلعان فوتوتۇزاققا قىزىل كىتاپقا ەنگەن سيرەك جىرتقىش – بۇركىتتەردىڭ (Aquila chrysaetos) سۋ ايدىنىندا شومىلىپ جۇرگەن ءساتى ءتۇسىپ قالدى، دەپ حابارلايدى اqshamnews.kz ءتىلشىسى.
بەينەجازبا ۇلتتىق پاركتىڭ Instagram-پاراقشاسىندا جاريالانىپ، جەلى قولدانۋشىلارىنىڭ ەرەكشە قىزىعۋشىلىعىن تۋدىردى. كادرلاردا جىرتقىش قۇستاردىڭ قورىق اۋماعىنداعى جاساندى سۋ ايدىنىنا ءتۇسىپ، قاناتىمەن سۋ شاشىپ، شومىلىپ جۇرگەنى انىق كورىنەدى.
ۇلتتىق پارك وكىلدەرىنىڭ ايتۋىنشا، بۇل دەرەكتەر جىرتقىش قۇستاردىڭ مىنەز-قۇلقىن زەرتتەۋگە عانا ەمەس، ولاردى قورعاۋ بويىنشا بولاشاق شارالاردى جوسپارلاۋعا دا نەگىز بولادى.
«الىنعان مالىمەتتەر جىرتقىش قۇستاردى قورعاۋ شارالارىن جەتىلدىرۋگە، ولاردىڭ مەكەندەيتىن ورتاسىن ساقتاۋعا جانە انتروپوگەندىك اسەردى ازايتۋعا باعىتتالعان الداعى جۇمىستاردىڭ نەگىزى بولماق»، – دەپ مالىمدەدى پارك اكىمشىلىگى.،