الەۋمەتتىك جەلىدە ديماش قۇدايبەرگەننىڭ قارىنداسى راۋشاننىڭ ۇزاتۋ تويىنا كيگەن وبرازىنىڭ تولىق باعاسى ايتىلدى. ونى قازاقستاندىق بلوگەر جانسايا ماحابايەۆا ەسەپتەپ كوردى، - دەپ حابارلايدى اqshamnews.kz ءتىلشىسى.
راۋشان قۇدايبەرگەن 1 تامىزدا ۇزاتىلعان ەدى. توي قازاقي ستيلدە ءوتتى. ول تەاتر ءارتىسى ەرماحان ايماحانمەن شاڭىراق كوتەردى.
"تولىق وبرازى قازاقستاندىق ديزاينەر ازامات ارعىنبايەۆتان ەكەن. كويلەگى - 250 مىڭ، كاجەكەي - 500 مىڭ تەڭگە، ۇكىلى تاقيا - 65 مىڭ تەڭگە، قامزولى - 1 ميلليون تەڭگە. ال ساۋكەلە مەن اشەكەي بۇيىمدارى قازاقستاندىق ديزاينەر ەلميرا يبراگيموۆادان. ساۋكەلە اسىلتاستارمەن، كۇمىسپەن جانە قۇندىزبەن بەزەندىرىلگەن، باعاسى - 3 ميلليون 780 مىڭ تەڭگە. ال اشەكەيلەرىنەن، شەكەلىك - 810 مىڭ تەڭگە، شاشتاراق - 864 مىڭ تەڭگە. بەسبىلەزىك - 783 مىڭ تەڭگە، وڭىرجيەك القاسى - 648 مىڭ تەڭگە، سىرعا - 378 مىڭ تەڭگە، شاشباۋ - 850 500 تەڭگە. ال ۇزبەلى بەلبەۋ - 1 ميلليون 890 مىڭ تەڭگە"، - دەيدى ول.
بلوگەردىڭ ايتۋىنشا، راۋشان قۇدايبەرگەننىڭ تولىق وبرازى 11 ميلليون 818 مىڭ 500 تەڭگەگە شىققان.
ەسكە سالايىق، بۇعان دەيىن ديماش قۇدايبەرگەن Instagram-پاراقشاسىندا قارىنداسىنا ارناپ ارنايى ءان جازعانىن ايتقان ەدى. ونەر يەسى ءىنىسى مانسۇرمەن بىرگە "قارلىعاشىم، ۇيا سالعاندا…" اتتى جاڭا ءانىن تويدا ورىندادى.
"راۋشانتايىما مانسۇر ىنىممەن بىرگە، "قارلىعاشىم ۇيا سالعاندا…" اتتى ءانىمدى اقجۇرەك تىلەگىمىز رەتىندە قابىل العايسىڭ! جۇرەكتەگى ساعىنىش پەن قيماستىقتى وسى ءاننىڭ ءون بويىنان كورسەتكىمىز كەلدى. باقىتتى بول، قارلىعاشىم مەنىڭ!" - دەدى ول.