ۇكىمەت كاسپيي ماسەلەسىن زەرتتەۋگە قوسىمشا 305 ميلليون تەڭگە ءبولدى، دەپ حابارلايدى aqshamnews.kz
«قازاق كاسپيي تەڭىزى عىلىمي-زەرتتەۋ ينستيتۋتى» كەاق-قا ۇكىمەت رەزەرۆىنەن 305 ملن تەڭگە ءبولىندى. پرەمەر-مينيستر ولجاس بەكتەنوۆ ءتيىستى قاۋلىعا قول قويدى»، – دەلىنگەن ۇكىمەت تاراتقان اقپاراتتا.
2025 جىلى قازاقستاندا كاسپيي تەڭىزى جونىندەگى عىلىمي-زەرتتەۋ ينستيتۋتى جۇمىسىن باستاعان. ولار تەڭىزدىڭ تارتىلۋ سەبەپتەرىن زەرتتەپ، ەكوجۇيە جاعدايىن باقىلاپ، سۋ قويماسىن قالپىنا كەلتىرۋ جولىن ىزدەيدى. ۇيىمدى قارجىلاندىرۋعا بۇعان دەيىن 846 ميلليون تەڭگە بولىنەتىنى حابارلانعان.
• 518 ملن تەڭگە – جابدىق ساتىپ الۋعا (جەرگىلىكتى بيۋدجەتتەن)،
• 328 ملن تەڭگە – شتات پەن ينفراقۇرىلىمدى ۇستاۋعا (رەسپۋبليكالىق بيۋدجەتتەن).
2024 جىلى كاسپييدىڭ قازاقستان جاق بولىگىندەگى سۋ دەڭگەيى 26 سم-گە تومەندەپ، بالتىق جۇيەسى بويىنشا -29،12 مەترگە جەتتى. 2050 جىلعا قاراي تاعى 3–5 مەترگە ءتۇسۋى مۇمكىن.