ساۋداگەرلەردىڭ ايتۋىنشا، باسشىلىقتىڭ ارەكەتى قىمباتشىلىققا سەبەپ بولۋدا
تالدىقورعانداعى ساۋدا ورىندارىنىڭ بىرىندە شۋ شىقتى. مۇنداعى كوپشىلىك جالعا الۋ باعاسىن وسىرگەن باسشىلىقتىڭ باسسىزدىعىنا نارازى. «شىدامىمىز تاۋسىلدى» دەگەن ولار بۇگىن بازار الدىندا باس كوتەردى، دەپ حابارلايدى اlmaty-akshamy.kz.
Cاۋداگەرلەردىڭ ايتۋىنشا، بازار باسشىلىعى جالعا الۋ باعاسىن بىرنەشە ەسەگە كوتەرگەن. ازاماتتار قانشا قارسىلىق بىلدىرسە دە، ەشكىم ءمان بەرمەگەن. ساۋدا ورنىنىڭ يەلەرى ولارعا «اقشانى تولەڭدەر نەمەسە ورىندى بوساتىڭدار» دەپ تالاپ قويعان.
ساۋداگەرلەردىڭ ايتۋىنشا، باسشىلىقتىڭ ارەكەتى قىمباتشىلىققا سەبەپ بولادى. سالدارىنان، تۇتىنۋشى جوعالۋى مۇمكىن. ال ازاماتتار كىمگە شاعىم ايتارىن بىلمەي، سابىلىپ ءجۇر.
– «ۇناماي ما، كەت» دەيدى. ال ءبىز ەلەكتر جارىعىن اي سايىن تولەيمىز. بالا-شاعامىزدى ساۋدا جاساپ، اسىراپ وتىرمىز. ءقازىر ساۋدا جوق، – دەدى ساۋداگەر دينارا ىسقاقوۆا.
«تۇتىنۋشىلار 500 تەڭگەلىك زاتتى 1000 تەڭگەگە ساتاسىڭدار؟» دەيدى. ءبىز 1-2 زات ساتساق، ءتاۋبا دەيمىز. نەگە ورىندى قىمباتتاتادى؟ – دەدى ساۋداگەر قارلىعاش جۇمابەكوۆا
– مۇلدە جاعداي جاسالماعان. ءتىپتى دارەتحانا اقىلى. كوكتەم مەن كۇزدە جاڭبىر جاۋسا، توبەدەن سۋ اعىپ، مۇز قاتادى. ونى تازالاپ جاتقان ەشكىم جوق. ءجۇرۋ ءتىپتى مۇمكىن ەمەس. سوندا نە ءۇشىن باعانى كوتەرەدى؟ – دەدى ساۋداگەر ۆەنەرا قادىروۆا.
ساۋدا ورنىندا شامامەن 5 مىڭعا جۋىق كاسىپكەر بار. ولار بۇعان دەيىن اي سايىن 44 600 تەڭگە تولەپ كەلگەن. شەرىن ايتىپ، شەرۋگە شىققان توپتىڭ شاعىمىن تىڭداۋ ءۇشىن بازار باسشىسى دا كەلدى. الايدا ازاماتتاردىڭ ارىزىنا قۇلاق تۇرەر ول جوق.
– جالعا الۋ قۇنىن 4 جىل كوتەرمەدىك، ەندى ينفلياسيا بار، كومۋنالدىق قىزمەتكورسەتۋ قۇنى ءوستى. سول سەبەپتى وسىنداي شەشىم قابىلداندى، – دەدى ساۋدا ورنىنىڭ ديرەكتورى سەرىك قۇلجابەكوۆ.
ساۋداگەرلەردىڭ بازىناسىن جەرگىلىكتى بيلىك تە بىلەدى. دەسە دە ماسەلەنى شەشۋدە اكىمدىك قاۋقارسىز. جاعدايعا قاتىستى تۇسىنىك بەرگەن ولار «قوس تاراپ اۋەل باستا كەلىسىمشارتقا قول قويدى» دەپ قۇتىلدى.
– قالا اكىمى ءوزى بازاردىڭ قۇرىلتايشىسىمەن سويلەستى. ءبىراق بۇل كىسىلەردى مىندەتتەي المايمىز. الايدا ۇسىنىستى قولداماسا، ەكىجاقتى كەلىسىمشارت نەگىزىندە سوتقاشاعىمدانۋعا بولادى، – دەدى تالدىقورعان قالالىق كاسىپكەرلىك ءبولىمىنىڭ باسشىسى ميراس احمەتساپا.
نارازى توپ و باستاعى تالاپتان قايتار ەمەس. ەگەر ءىس مۇنىمەن بىتپەسە، سوتقا دا ارىزدانباق.