الماتى قالاسىنا جۇمىس ساپارىندا سۆەتلانا جاقىپوۆا اتاۋلى الەۋمەتتىك كومەك تاعايىنداۋدىڭ جاڭا تاسىلدەرىن ازىرلەۋ تۋرالى ايتىپ ءوتتى، دەپ حابارلايدى almaty-akshamy.kz
«بيىل 7 اقپانداعى ۇكىمەتتىڭ كەڭەيتىلگەن وتىرىسىندا مەملەكەت باسشىسى الەۋمەتتىك كومەك پەن قولداۋ جۇيەلەرىن قايتا قاراۋ مىندەتىن قويدى. وسىعان بايلانىستى وتباسىنىڭ سيفرلىق كارتاسىن جانە مەملەكەتتىك جانە مەملەكەتتىك ەمەس ۇيىمداردىڭ جۇيەلەرىمەن جاڭا ينتەگراسيالاردى پايدالانا وتىرىپ، ااك تولىق ترانسفورماسيالانادى.
الماتىدا جىل باسىنان بەرى 11 مىڭعا جۋىق ادام ااك العانىن ايتا كەلىپ، مينيستر: «مۇقتاج وتباسىلارعا كەشەندى قولداۋ كورسەتۋدىڭ ناقتى رەگلامەنتى ازىرلەنەدى، ال ونىڭ قۇرامىنا ااك، تۇرعىن ءۇي كومەگى، جالعا بەرىلەتىن تۇرعىن ءۇيدى جالداۋدى سۋبسيديالاۋ، جەڭىلدىكپەن جول ءجۇرۋ جانە ت.ب. كىرەدى. كومەك تەك ازىق-تۇلىك ساتىپ الۋعا عانا ەمەس، ءومىر ءسۇرۋ ءۇشىن قالىپتى جاعداي جاساۋعا دا بەرىلەتىن بولادى»، – دەدى.
مۇگەدەكتىگى بار ادامداردىڭ ءومىر ءسۇرۋ ساپاسىن ارتتىرۋ جانە ولاردىڭ قوعامعا الەۋمەتتىك ىقپالداسۋى ماقساتىندا كەشەندى شارالار قابىلداندى. مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى 2025 جىلعا دەيىنگى ۇلتتىق جوسپار ىسكە اسىرىلۋدا. 2023 جىلى مۇگەدەكتەردىڭ قۇقىقتارى تۋرالى كونۆەنسياعا فاكۋلتاتيۆتىك حاتتاما راتيفيكاسيالاندى.
«الەۋمەتتىك كودەكس قابىلداندى، وعان ءبىرقاتار قوسىمشا الەۋمەتتىك قولداۋ شارالارى ەنگىزىلدى: جورگەكتەردى بەرۋ نورمالارى ەكى ەسە ۇلعايدى؛ «سپينا بيفيدا» دياگنوزى قويىلعان مۇگەدەكتىگى بار ادامدار جوعارى ساپالى كاتەتەرلەرمەن قامتاماسىز ەتىلەدى؛ مەنتالدى بۇزىلۋى بار بالالارعا ارنالعان ساناتورييلىك-كۋرورتتىق ەمدەۋدى ۇسىنۋ بويىنشا پيلوت ىسكە قوسىلدى؛ 1-توپ مۇگەدەكتىگى بار ادامداردىڭ جەكە كومەكشىلەرى ءۇشىن زەينەتاقى، الەۋمەتتىك جانە مەديسينالىق جارنالار اۋدارىلادى»، – دەدى سۆەتلانا جاقىپوۆا.
مەملەكەت باسشىسىنىڭ تاپسىرماسى بويىنشا 2025 جىلعا دەيىن ءارتۇرلى وڭىرلەردە ەرەسەكتەر مەن بالالارعا ارنالعان 12 وڭالتۋ ورتالىعىن سالۋ جۇمىستارى جۇرگىزىلۋدە.
سونىمەن قاتار ەلىمىزدىڭ 6 وڭىرىندە (شىعىس قازاقستان، قوستاناي، پاۆلودار، جەتىسۋ، جامبىل وبلىستارى جانە شىمكەنت ق.) اۋتيزم سپەكترى بۇزىلعان جانە باسقا دا اقىل-وي كەمىستىگى بار بالالارعا ارنالعان كۇندىزگى بولۋ ورتالىقتارى اشىلدى.
سونداي-اق، مۇگەدەكتىگى بار ادامداردىڭ ءومىر ءسۇرۋ ساپاسىن جاقسارتۋ ءۇشىن بىرنەشە پيلوتتىق جوبالار ىسكە اسىرىلۋدا. ولار سىرتتاي پرواكتيۆتى فورماتتا مۇگەدەكتىكتى بەلگىلەۋ؛ استانا جانە الماتى قالالارىندا تاكسي اگرەگاتورلارى ارقىلى ينۆاتاكسي قىزمەتتەرىن كورسەتۋ؛ 6 وڭىردە سىيىمدىلىعى شاعىن ۇيلەردى ەنگىزۋ؛ 4 وڭىردە مۇگەدەكتىگى بار بالالارعا ارنالعان تەحنيكالىق وڭالتۋ قۇرالدارىن جەكە تاڭداۋ.
«2024 جىلى بىرنەشە نەگىزگى باعىتتار بويىنشا جۇمىس جۇرگىزىلۋدە: ق ر ينكليۋزيۆتى ساياسات تۇجىرىمداماسىن قابىلداۋ؛ ولاردىڭ تيىمدىلىگى مەن ساپاسىن ارتتىرۋ ءۇشىن الەۋمەتتىك قىزمەتتەر كورسەتۋ جۇيەسىن ترانسفورماسيالاۋ؛ حالىققا الەۋمەتتىك قىزمەت كورسەتۋ ورتالىقتارىنىڭ قىزمەتىن سيفرلاندىرۋ؛ تەحنيكالىق وڭالتۋ قۇرالدارى مەن قىزمەتتەردىڭ كەيبىر تۇرلەرىن مونەتيزاسيالاۋ؛ اۋىلدىق جەردە تۇراتىن مۇگەدەكتىگى بار ادامدار ءۇشىن وڭالتۋ تەحنولوگيالارىن ەنگىزۋ؛ وڭالتۋدىڭ سيفرلىق كۇندەلىگىن ازىرلەۋ؛ الەۋمەتتىك جانە كاسىپتىك وڭالتۋدىڭ سيفرلىق حاتتامالارىن ەنگىزۋ؛ الەۋمەتتىك سالانى دامىتۋدىڭ ۇلتتىق عىلىمي ورتالىعىن جاڭعىرتۋ.
«وسى باعىتتاردى ىسكە اسىرۋ ادىلەتتى قوعامدى دامىتۋدىڭ نەگىزگى فاكتورى بولىپ تابىلادى. ءبىز نەعۇرلىم جەتىلدىرىلگەن جانە ينكليۋزيۆتى الەۋمەتتىك ساياسات قۇرۋ ماقساتىندا اشىق ديالوگ پەن سىندارلى ىنتىماقتاستىققا دايىنبىز»، – دەپ اتاپ ءوتتى مينيستر.
ەحاقم باسشىسى حالىقتى جۇمىسپەن قامتۋ شارالارى تۋرالى دا حابارلادى.
«2023 جىلى الماتىدا 97،5 مىڭنان استام ادام جۇمىسقا ورنالاستىرىلدى. كاسىپتىك وقىتۋمەن 4،1 مىڭعا جۋىق ادام قامتىلدى. كاسىپكەرلىك باستامالارعا قولداۋ كورسەتۋ اياسىندا حالىقتىڭ الەۋمەتتىك وسال توپتارىنا 375 گرانت جانە جاس كاسىپكەرلەرگە 135 ميكروكرەديت بەرىلدى. بيىل جاڭا بيزنەس-يدەيالاردى ىسكە اسىرۋعا 358 گرانت بەرۋ جوسپارلانۋدا. قۇجاتتاردى قابىلداۋ پروسەسى تولىعىمەن اۆتوماتتاندىرىلعان جانە business.enbek.kz پورتالى ارقىلى جۇزەگە اسىرىلادى»، – دەدى سۆەتلانا جاقىپوۆا.
جيىندى قورىتىندىلاي كەلە مينيستر الماتىلىقتاردى قىزىقتىرعان بارلىق سۇراقتارعا تولىققاندى جاۋاپ بەردى.