ءاربىر ازامات ساپالى قىزمەت الۋعا قۇقىلى، بۇل جاعدايدا مەملەكەتتىك قىزمەتتەر تۋرالى ايتىپ وتىرمىز. مەملەكەتتىك قىزمەتتەر كورسەتىلەتىن تىزىلىمدە كوزدەلگەن قىزمەتتەردىڭ سانى بۇگىندە شامامەن 1327ء-نى قۇرايدى جانە ول تۇراقتى وزگەرۋ ۇستىندە.
ءاربىر قىزمەت ءۇشىن كورسەتىلەتىن قىزمەتتىڭ ءتارتىبى، مەرزىمدەرى، قىزمەتتى بەرۋشى تۋرالى مالىمەتتەر، ۇسىنىلاتىن قۇجاتتار ءتىزىمى جانە باس تارتۋ نەگىزدەرى زاڭنامالىق تۇردە رەتتەلگەن ارنايى ەرەجەلەرمەن بەلگىلەنگەن. بارلىق قىزمەت كورسەتۋشىلەر وسى ەرەجەلەردى قاتاڭ ساقتاۋى ءتيىس.
الايدا، بۇل نورمالار ءاردايىم ساقتالا بەرمەيدى. قىزمەت كورسەتۋ مەرزىمدەرىنىڭ بۇزىلۋى، ارتىق قۇجاتتار تالاپ ەتىلۋى، قىزمەت كورسەتۋ پروسەسىنىڭ بۇزىلۋى، نەگىزسىز باس تارتۋلار سياقتى جاعدايلار ءجيى ورىن الادى. ناتيجەسىندە حالىق مورالدىق عانا ەمەس، ماتەريالدىق شىعىندارعا دا ۇشىرايدى: مامىلەلەر بۇزىلىپ، ۋاقىت جوعالىپ، قارجى شىعىندارى پايدا بولادى.
تاجىريبە كورسەتكەندەي، ازاماتتاردىڭ وزدەرى بۇل بۇزۋشىلىقتار تۋرالى كوبىنەسە بىلمەيدى نەمەسە بايقامايدى.
مەملەكەتتىك قىزمەت ىستەرى اگەنتتىگى وسى باعىتتاعى جۇمىس جاي-كۇيىن قاشىقتان مونيتورينگ جۇيەسى ارقىلى باقىلاپ وتىرادى. بۇل جۇيە ناقتى ۋاقىت رەجيمىندە قىزمەت كورسەتۋ پروسەسىن، ونىڭ مەرزىمدەرىن جانە بۇزۋشىلىقتاردى قاداعالاۋعا، سول ارقىلى الدىن الۋ شارالارىن دەر كەزىندە قابىلداۋعا مۇمكىندىك بەرەدى.
سونىمەن قاتار، زاڭنامادا كورسەتىلەتىن قىزمەتتى بەرۋشىلەردىڭ اقپاراتتىق رەسۋرستارىن جاڭارتىپ وتىرۋ مىندەتى ناقتى كورسەتىلگەن. دەگەنمەن، بارلىق كورسەتىلەتىن قىزمەتتى بەرۋشىلەر ينتەرنەت-رەسۋرستارداعى ءوز پاراقشالارىن ساپالى تولتىرۋدى قاداعالامايدى. مىسالى، كەيبىر رەسۋرستاردا كۇشى جويىلعان قۇقىقتىق اكتىلەرگە سىلتەمەلەر جاسالۋى مۇمكىن.
اقپاراتتىڭ قولجەتىمدىلىگى مەن وزەكتىلىگى ماڭىزدى بولعاندىقتان، ءبىز مەملەكەتتىك ورگاننىڭ اتاۋى، بايلانىس دەرەكتەرى، قۇرىلىمدىق مالىمەتتەر جانە قىزمەتتەرى تۋرالى اقپاراتتى ۇنەمى جاڭارتىپ وتىرۋدى تالاپ ەتەمىز. ءاربىر ازاماتتىڭ قاجەتتى اقپاراتتى تولىق جانە ناقتى الۋ قۇقىعى بار.
مىسالى، الماتى قالاسىنىڭ 170 مەكتەبىنىڭ سايتتارىنا قاشىقتىقتان باقىلاۋ جۇرگىزۋ بارىسىندا، كۇشى جويىلعان نورماتيۆتىك-قۇقىقتىق اكتىلەر انىقتالدى، ناتيجەسىندە كىنالى تۇلعالار جاۋاپكەرشىلىككە تارتىلدى.
قوعام وكىلدەرىنىڭ قاتىسۋىمەن 8 مەملەكەتتىك ورگانعا قوعامدىق مونيتورينگ جۇرگىزىلىپ، ناتيجەسىندە 271 بۇزۋشىلىق انىقتالدى. حالىقتىڭ الەۋمەتتىك وسال توپتارى جانە بارلىق ازاماتتار ءۇشىن مەملەكەتتىك قىزمەتتەردىڭ قولجەتىمدىلىگى تەكسەرىلدى. بۇل تەكسەرىس عيماراتقا كىرۋدەن باستاپ، قىزمەت كورسەتۋ پروسەسىنىڭ ساپاسىنا دەيىن قامتىلدى. اتالعان بۇزۋشىلىقتار حقكو فيليالدارىندا جانە كەيبىر مەملەكەتتىك ورگانداردا ورىن الدى.
دەپارتامەنت مۇنداي باقىلاۋ شارالارىن تۇراقتى تۇردە جۇرگىزەدى. ماقساتى – بارلىق ازاماتتارعا مەملەكەتتىك قىزمەتتەردى قاراپايىم، جەدەل جانە قولجەتىمدى ەتۋ.