الماتىدا رەسپۋبليكا كۇنىن مەرەكەلەۋگە ارنالعان ءبىرقاتار مادەني ءىس-شارالار جوسپارلانعان. ولاردىڭ قاتارىندا كونسەرتتەر، سپەكتاكلدەر، كورمەلەر، حالىقارالىق فەستيۆال، قايىرىمدىلىق قويىلىمدارى جانە مۇمكىندىگى شەكتەۋلى بالالارعا ارنالعان يپپوتەراپيا بار، دەپ حابارلايدى aqshamnews.kz
رەسپۋبليكا كۇنىن مەرەكەلەۋ كەزەڭىندە 21-24 قازان ارالىعىندا مەملەكەتتىك قۋىرشاق تەاترىندا (پۋشكين كوشەسى، 63) «ALMATY PUPPET FESTIVAL» II حالىقارالىق قۋىرشاق تەاترلارىنىڭ فەستيۆالى وتەدى. قازاقستان، جۇڭگو، پولشا، چەحيا، بولگاريا، گرۋزيا، تۇركيا، ءازىربايجان، وزبەكستان جانە رەسەيدەن كەلگەن ارتىستەر كورەرمەندەرگە ۇزدىك قۋىرشاق سپەكتاكلدەرىن ۇسىنادى. 21 قازان كۇنى ساعات 18:00-دە اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە (دوستىق داڭعىلى، 13) «جاڭا عاسىر» تەاترى «سوڭعى قوڭىراۋ» قويىلىمىن ۇسىنادى.
22 قازان كۇنى ساعات 16:00 – دە «الاتاۋ» ءداستۇرلى ونەر تەاترىندا رەسپۋبليكا كۇنىنە ارنالعان «اتامەكەن-ايبىنىم» اتتى مەرەكەلىك كونسەرت وتەدى. ساحنادا ق ر مادەنيەت قايراتكەرى، ءداستۇرلى اندەردى ورىنداۋشى الما امانجولوۆا، ەسترادا ءانشىسى مارال اناربەك، ءانشى ساندۋعاش ستامعازييەۆا جانە ت. ب. ونەر كورسەتەدى. سول كۇنى ساعات 18:00-دە ق ر جاس سۋرەتشىلەر وداعىنىڭ مۇشەلەرى «ساعىندىرعان اۋەندەر اي» كورمەسىندە وزدەرىنىڭ كارتينالارىن، گرافيكالىق جانە اكۆارەلدىك جۇمىستارىن، مۇسىندەرىن، ساندىك-قولدانبالى ونەر بۇيىمدارىن ۇسىنادى، ول Almaty Gallery - دە وتەدى (دوستىق، 44). وندا كامەرالىق وركەستردىڭ ارتىستەرى اتاقتى كلاسسيكتەردىڭ ايگىلى كلاسسيكلىق اندەرىن ورىندايدى. وركەسترمەن بىرگە ق ر ەڭبەك سىڭىرگەن قايراتكەرى، وزبەكستاننىڭ ەڭبەك سىڭىرگەن ءارتىسى، وپەرا ءانشىسى دجاميليا باسپاكوۆا، سونداي-اق حالىقارالىق كونكۋرستاردىڭ لاۋرەاتتارى ولەگ تاتاميروۆ، دامير ءسادۋاقاسوۆ جانە ديانا سامىكەنوۆا ءان شىرقايدى.
23 قازان كۇنى ساعات 12:00-دە ىقىلاس اتىنداعى ۇلتتىق مۋزىكالىق اسپاپتار مۇراجايىندا كامەرالىق وركەستردىڭ قاتىسۋىمەن «اق جاۋىن» كونسەرتىن ءوتەدى. وسى ۋاقىتتا قازاق مەملەكەتتىك سيركىندە «پىلدەگى جولبارىس» قايىرىمدىلىق شوۋى وتەدى. سيرك قويىلىمىنا از قامتىلعان جانە كوپبالالى وتباسىلاردان شىققان 1700 بالا، سونداي-اق قالا تۇرعىندارىنىڭ موبيلدىلىگى تومەن توپتارى شاقىرىلدى. مانەجدە اۋە گيمناستتارى، اكروباتتار، ەكۆيليبريستەر، كلونۋدار، سونداي-اق ۇيرەتىلگەن پىلدەر، گوللانديالىق فريزدەر جانە استراحان تۇيەلەرى ونەر كورسەتەدى.
نەگىزگى سالتاناتتى كونسەرت 23 قازان كۇنى ساعات 15:00-دە رەسپۋبليكا سارايىندا وتەدى. ءىس-شاراعا اتى اڭىزعا اينالعان «دوس-مۇقاسان» ءانسامبلى، A'Studio توبىنىڭ نەگىزىن قالاۋشى، پروديۋسەر جانە كومپوزيتور بايعالي سەركەبايەۆ، قازاقستان رەسپۋبليكاسىنىڭ ەڭبەك سىڭىرگەن قايراتكەرى، «دارىن» مەملەكەتتىك سىيلىعىنىڭ لاۋرەاتى، بەلگىلى دومبىراشى-كۇيشى اسىلبەك ەڭسەپوۆ جانە باسقا دا ارتىستەر قاتىسادى. سول كۇنى كەشكە گوگول مەن پانفيلوۆ كوشەلەرىنىڭ قيىلىسىنداعى مەتروپوليتەن الدىنداعى اشىق الاڭدا قالانىڭ بي كوماندالارى اراسىنداعى پاتريوتتىق ەلەمەنتتەرى بار Almaty Street Battle كورمەسى وتەدى.
24 قازان كۇنى ساعات 10:00 – دەن باستاپ الماتى مۋزەيىندە «تاريحي دەرەك-ەلدىگىمنىڭ باستاۋى» كورمەسى جۇمىس ىستەيدى. ساعات 11:00-دە قازمەمسيركتىڭ ليەۆاداسىندا مۇمكىندىگى شەكتەۋلى بالالارعا ارنالعان يپپوتەراپيا-قايىرىمدىلىق اكسياسى ۇيىمداستىرىلادى. ساعات 15:00-دە قازىبەك بي كوشەسىنەن اباي داڭعىلىنا دەيىن دوستىق داڭعىلىندا قازاقستاننىڭ مەملەكەتتىك تۋلارىن كوتەرەتىن جاس قازاقستاندىقتاردىڭ قاتىسۋىمەن پاتريوتتار شەرۋى وتەدى. مەرەكەلىك كولوننا شەرۋى رەسپۋبليكا سارايىنىڭ الدىندا ءانۇراندى ورىنداۋمەن اياقتالادى.
رەسپۋبليكا كۇنى، 25 قازان كۇنى ساعات 11:00-دە «مەدەۋ» بسك-دا مەملەكەتتىك تۋدى كوتەرۋ جانە قازاقستان گيمنىن جاپپاي ورىنداۋ سالتاناتتى ءراسىمى وتەدى. ءىس-شاراعا قالا جاستارى، قوعام قايراتكەرلەرى، الماتى ءماسليحاتىنىڭ دەپۋتاتتارى جانە قازاقستان حالقى اسسامبلەياسىنىڭ وكىلدەرى قاتىسادى. سول كۇنى ساعات 11:00-دە نۇرعيسا تىلەندييەۆ مەموريالدىق مۇراجايىندا «ءوز ەلىم» مەرەكەلىك ءىس-شاراسى وتەدى.
سونداي-اق، مەرەكەلىك ءىس-شارالار قالانىڭ بارلىق اۋداندارىندا وتەدى:
- بوستاندىق اۋدانىندا 22 قازان كۇنى ساعات 10:00-دە مەملەكەتتىك تۋدى كوتەرۋ سالتاناتتى ءراسىمى جانە الماتىداعى م. ەسبولاتوۆ اتىنداعى اكادەميادا «ماڭگىلىك جاسا، قازاقستان» مەرەكەلىك ءىس-شاراسى وتەدى؛
- اۋەزوۆ اۋدانىندا 22 قازان كۇنى ساعات 11:00-دە ن. ساس اتىنداعى مەملەكەتتىك اكادەميالىق تەاتردا «بايتاق ەلىم، قازاقستان» پاتريوتتىق مەرەكەلىك كونسەرتى وتەدى. 24 قازان كۇنى ساعات 15:30-دا الماتىداعى ب. مومىش ۇلى اتىنداعى رەسپۋبليكالىق «جاس ۇلان» مەكتەبىندە مەملەكەتتىك تۋدى كوتەرۋ جانە قازاقستان ءانۇرانىن جاپپاي ورىنداۋ سالتاناتتى ءراسىمى وتەدى؛
- الاتاۋ اۋدانىندا 22 قازان كۇنى ساعات 16:00-دە «الاتاۋ» ءداستۇرلى ونەر تەاترىندا (نۇركەنت ش/ا) رەسپۋبليكا كۇنىنە ارنالعان سالتاناتتى ءىس-شارا وتەدى.
- تۇركسىب اۋدانىندا 23 قازان كۇنى ساعات 11:00-دە №7 وقۋشىلار ۇيىندە (نۇرسايا كوشەسى، 4ا) رەسپۋبليكا كۇنىنە ارنالعان «توعىز قۇمالاق» ۇلتتىق ويىنىنان قالالىق تۋرنير وتەدى. ساعات 19:00-دە رەسپۋبليكالىق اكادەميالىق نەمىس دراما تەاترىندا (پاپانين كوشەسى، 70/1) «Samruk» زاماناۋي بي تەاترىنىڭ كونسەرتتىك باعدارلاماسى وتەدى. رەسپۋبليكا كۇنىنە ارنالعان سالتاناتتى كونسەرت №6 وقۋشىلار ۇيىندە (سەيفۋللين داڭعىلى،13/1) 24 قازان كۇنى ساعات 17:00-دە وتەدى؛
- مەدەۋ اۋدانىندا 23 قازان كۇنى ساعات 12:00-دە كاسپيي ۋنيۆەرسيتەتىندە (دوستىق داڭعىلى، 85ا) مەرەكەلىك كونسەرت جانە رەسپۋبليكا كۇنىنە وراي العىس حاتتارمەن ماراپاتتاۋ وتەدى؛
- المالى اۋدانىندا رەسپۋبليكا كۇنىنە ارنالعان مەرەكەلىك ءىس-شارا 23 قازان كۇنى ساعات 12:00-دە قازاق ۇلتتىق قىزدار پەداگوگيكالىق ۋنيۆەرسيتەتىندە (گوگول كوشەسى، 114) وتەدى. №4، 33، 20 كىتاپحانالاردا كىتاپ كورمەلەرى وتەدى؛
- ناۋرىزباي اۋدانىندا 24 قازان كۇنى ساعات 12:00-دە (شۇعىلا 347/4) مەرەكەلىك كونسەرت وتەدى. 25 قازان كۇنى ساعات 12:00-دە امفيتەاتر اۋماعىندا مەرەكەلىك كونسەرت وتەدى (شۇعىلا 347)؛
- جەتىسۋ اۋدانىندا رەسپۋبليكا كۇنىنە ارنالعان كونسەرت 25 قازان كۇنى ساعات 11:00-دە كوكجيەك ش/ا (جاياۋ جۇرگىنشىلەر ايماعى) وتەدى.