بوكستان قازاقستان ايەلدەر قۇراماسى 2028 جىلى وتەتىن وليمپيادا ويىندارىنا ارنالعان وقۋ-جاتتىعۋ جيىنىن باستادى،.
وقۋ-جاتتىعۋ جيىنىندا العاش رەت ايەلدەر، جاستار جانە جاسوسپىرىمدەر كوماندالارى باس قوستى. ۇلتتىق قۇرامانىڭ باس باپكەرى ەلدوس سەيداليننىڭ ايتۋى بويىنشا بۇل باستامانىڭ پايداسى مول.
"2028 جىلعى وليمپيادا ويىندارىنا دايىندىقتى باستاپ كەتتىك. دەمەك، بارلىق جاس دارەجەلەرىندە بۇل دوداعا ۇمىتكەرلەر بار.
سەنبى كۇنى تاۋعا قاراي جاياۋ جۇردىك. وسى وقۋ-جاتتىعۋ جيىنىنا 150 سپورتشى قاتىستى. ال قالعان جاتتىعۋلار ءوز جاستارىنا ساي وتەدى. سپورتشىلاردىڭ جانە جاتتىقتىرۋشىلاردىڭ دا كوڭىل-كۇيى مەن جۇمىسقا دەگەن ىنتاسى كەرەمەت. جىلدى جاقسى قارقىنمەن باستاپ جاتىرمىز، 2025 جىل بەرەكەلى بولادى دەگەن ۇمىتتەمىز" - دەيدى باس باپكەر.