مكك سالىقتىق اكىمشىلەندىرۋ كەزىندە جاساندى ينتەللەكتتى قولدانۋدىڭ حالىقارالىق تاجىربيەسى زەرتتەلۋدە
ق ر قم مەملەكەتتىك كىرىستەر كوميتەتى مەملەكەت باسشىسىنىڭ 2024 جىلعى 7 اقپانداعى ق ر ۇكىمەتىنىڭ كەڭەيتىلگەن وتىرىسىندا بەرگەن تاپسىرماسىن ورىنداۋ ءۇشىن سالىقتىق اكىمشىلەندىرۋدە جاساندى ينتەللەكت تەحنولوگيالارىن ەنگىزۋ بولىگى بويىنشا جۇمىس جۇرگىزۋدە، دەپ حابارلايدى aqshamnews.kz.
ەلەكتروندىق شوت-فاكتۋرالار، كەدەندىك دەكلاراسيالار سياقتى ۇلكەن دەرەكقورلاردا جاساندى ينتەللەكتتى قولدانۋ ماسەلەسى قاراستىرىلۋدا. قم مكك-نىڭ قىزمەتكەرلەرى "سالىق سالۋ ماقساتىندا جاساندى ينتەللەكت" حالىقارالىق ۆەبينارىنا قاتىستى. ەۋروپا ىشىندەگى سالىق اكىمشىلىكتەرىنىڭ ۇيىمى (IOTA) ۇيىمداستىرعان بۇل كەزدەسۋگە IOTA-عا مۇشە ەلدەردىڭ سالىق قىزمەتتەرىنەن 260 قاتىسۋشى قاتىستى.
IOTA-نىڭ نەگىزگى قىزمەتى مۇشە ەلدەرگە سالىقتىق اكىمشىلەندىرۋدىڭ پراكتيكالىق اسپەكتىلەرىنە قاتىستى تاجىريبەلەر مەن وزىق تاجىريبەلەرمەن الماسۋ ءۇشىن پلاتفورماسىن ۇسىنۋعا باعىتتالعان. ۆەبيناردا ۇلىبريتانيا، گرەسيا، ۆەنگريا سالىق قىزمەتتەرىنىڭ باياندامالارى تانىستىرىلدى. ءوز بايانداماسىندا ءسوز سويلەۋشىلەر سالىقتىق اكىمشىلەندىرۋدە جاساندى ينتەللەكتتى قولدانۋ تاجىريبەسىمەن جانە ونى ەنگىزۋ كەزىندەگى پروبلەمالارمەن ءبولىستى.
قازىرگى ۋاقىتتا الەمنىڭ سالىق اكىمشىلىكتەرى سالىق سالۋدا جاساندى ينتەللەكتتى ەنگىزۋ ماسەلەسىن زەرتتەۋدىڭ باستاپقى كەزەڭىندە تۇر. ساراپشىلار كۇندەلىكتى مونيتورينگتى اۋىستىرۋ تۇرعىسىنان جاساندى ينتەللەكتتى قولدانۋ پەرسپەكتيۆاسى بار دەپ سانايدى.
انىقتاما: IOTA (Intra-European Organisation of Tax Administrations) - ەۋروپاىشىلىك سالىق اكىمشىلىكتەرىنىڭ ۇيىمى 44 ەلدىڭ سالىق قىزمەتتەرى مۇشە بولىپ تابىلاتىن، سالىقتىق ىنتىماقتاستىق سالاسىنداعى ماڭىزدى حالىقارالىق ۇيىم بولىپ تابىلادى. قازاقستان رەسپۋبليكاسى 2012 جىلدان باستاپ وسى ۇيىمنىڭ تولىققاندى مۇشەسى بولىپ تابىلادى.