اككرەديتتەۋ مەرزىمى تولىعىمەن اياقتالدى
19 ناۋرىز كۇنى وتەتىن ءماجىلىس دەپۋتاتتارىن سايلاۋعا شەتەلدىك بايقاۋشىلاردى تىركەۋ اياقتالدى. بۇل تۋرالى ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«سايلاۋ تۋرالى» كونستيتۋسيالىق زاڭنىڭ نورمالارىنا سايكەس، شەت مەملەكەتتەر مەن حالىقارالىق ۇيىمداردىڭ بايقاۋشىلارىن اككرەديتتەۋدى جۇرگىزۋ داۋىس بەرۋ كۇنىنەن 5 كۇن بۇرىن جەرگىلىكتى ۋاقىتپەن، ياعني، بۇگىن 13 ناۋرىزدا 18-00-دە اياقتالادى. وسىمەن ساعات 18-00-دە شەت مەملەكەتتەردىڭ جانە حالىقارالىق ۇيىمداردىڭ بايقاۋشىلارىن اككرەديتتەۋ مەرزىمى تولىعىمەن اياقتالدى»، - دەدى نۇرلان ءابدىروۆ بۇگىن كوميسسيا وتىرىسىندا.