قار تەز ەرىپ، ساي-سالاعا سۋ تولادى
12-14 ناۋرىز ارالىعىندا الماتى قالاسى، الماتى، جەتىسۋ جانە جامبىل وبلىستارىندا قاتتى جاۋىن-شاشىننىڭ بولۋ ىقتيمالدىلىعىنا بايلانىستى وزەن سۋلارىنىڭ دەڭگەيى كوتەرىلۋى مۇمكىن ەكەنى ەسكەرتىلەدى، دەپ حابارلايدى Almaty-akshamy.kz "قازگيدرومەت" رمك-عا سىلتەمە جاساي وتىرىپ.
سونداي-اق 12-14 ناۋرىزدا قار ارالاس جاڭبىردىڭ جاۋۋى جانە كۇن رايىنىڭ كۇرت جىلىنۋىنا بايلانىستى شقو، اتىراۋ، اقتوبە جانە باتىس قازاقستان وبلىستارىندا قار تەز ەرىپ، ساي-سالاعا سۋ تولىپ، مۇز بەتى جۇقارىپ، وزەن سۋلارى دەڭگەيىنىڭ كوتەرىلۋى بولجانىپ وتىر. اتالعان وڭىرلەردە سۋ تاسقىنى بولۋى مۇمكىن.
12-14 ناۋرىز ارالىعىندا اباي (بورودۋليحا، بەسقاراعاي، اياگوز، اقسۋات اۋداندارىندا)، ۇلىتاۋ جانە قاراعاندى وبلىستارىندا دا سۋ تاسقىنى بولۋى ىقتيمالدىلىعى بولجانادى.