الماتىدا قاسىم-جومارت توقايەۆ وقىعان مەكتەپ سايلاۋ كۇنى تۇلەكتەرى ءۇشىن تارتىمدى ورىنعا اينالدى.
الماتىدا ق ر پرەزيدەنتى قاسىم-جومارت توقايەۆ وقىعان بۇرىنعى №25 مەكتەپتە سايلاۋ ۋچاسكەسى بار، ول سوڭعى قوڭىراۋدان كەيىن ونداعان جىل وتكەن سوڭ سايلاۋ سايىن تۇلەكتەردىڭ كەزدەسۋ ورنىنا اينالدى،-دەپ حابارلايدى اlmaty-akshamy.kz
قازاقستان پرەزيدەنتى قاسىم-جومارت توقايەۆ وقىعان № 25 الماتى مەكتەبىنىڭ اۋماعى ءبىر كۇندە ادامدار داۋىس بەرەتىن عانا ەمەس، ەسكى دوستار كەزدەسەتىن تارتىمدى ورىنعا اينالدى. كۇتپەگەن كەزدەسۋلەردىڭ قۋانىشتى ءساتى مەرەكەلىك حۋالدى جانداندىرا ءتۇستى. مەكتەپتىڭ بۇرىنعى تۇلەكتەرى سوڭعى قوڭىراۋدان كەيىن ونداعان جىلدار وتسە دە كەزەكتى سايلاۋلاردا ءبىر-بىرىن كورە الادى.
«ءبىزدىڭ ۋچاسكەمىز شاعىن، ءبىراق بارىنشا تارتىمدى. ونىڭ باستى ەرەكشەلىگى-مەكتەپتەردىڭ بۇرىنعى تۇلەكتەرى بالالارىمەن وسىندا كەلىپ، ەسكى تانىستارىن، سىنىپتاستارىن قارسى الادى. بۇل وتە اسەرلى ساتتەر»، - دەيدى №91 ۋچاسكەلىك سايلاۋ كوميسسياسىنىڭ ءتورايىمى عازيزا امانباي.
بۇل ۋچاسكەدە بارلىعى 1897 سايلاۋشى تىركەلگەن، ولار تاڭەرتەڭ بەلسەندىلىك كورسەتتى.
«ءبىز ءوز ۋچاسكەمىزدە قىزىق جايتتاردى بايقادىق. مىسالى، تاڭعى ۋاقىتتا كوبىنەسە ەر ادامدار كەلدى. ەندى تۇسكە قاراي ايەلدەر، سونداي-اق بىرنەشە ۇرپاعى بار وتباسىلار كەلۋدە. اسىرەسە بيىلعى جىلى جاستار وزدەرىنىڭ ازاماتتىق ۇستانىمدارىن بەلسەندى تۇردە بىلدىرۋدە، بۇل ارينە، قۋانىشتى جايت»، - دەپ اتاپ ءوتتى عازيزا امانباي.
جاڭا عانا كەلگەن سايلاۋشىلاردىڭ ءبىرى، جاس ۇرپاقتىڭ وكىلى الماتىلىق ءمادي اساۋبايەۆ بىزبەن سويلەسۋگە كەلىستى. ول جاستار وزدەرىنىڭ سايلاۋ قۇقىعىن بەلسەندى پايدالاناتىنىنا سەنىمدى.
«جاڭا ۇرپاق ءوز تاعدىرىن شەشەتىن ادام ەكەنىن تۇسىنگەنىن قالايمىن. ءبىز وسى مەملەكەتتە تۇرامىز. ءبىز ءوز تاڭداۋىمىزدىڭ ناتيجەلەرىن كورەمىز»، - دەپ اتاپ ءوتتى جىگىت.
ال سايلاۋ ۋچاسكەسىنە جاس بالالارمەن كەلگەن جاس اتا-انالار ايگەرىم مەن رينات شاياحمەتوۆتەر بولاشاق ءۇشىن داۋىس بەردىك دەيدى.
«ءبىزدىڭ قىزىمىز 3،5 جاستا، ال ۇلىمىز 7 ايلىق. ءبىز سايلاۋعا قاتىسۋ ماڭىزدى ەكەنىن تۇسىنەمىز، ويتكەنى ءدال ءقازىر ءبىز بالالارىمىزدىڭ بولاشاعىنىڭ جارقىن بولعانىن قالايمىز. سوندىقتان ءبىز بۇگىنىمىز بەن ەرتەڭگى بولاشاعىمىز ءۇشىن ءوز تاڭداۋىمىزدى جاسادىق»، - دەيدى ەرلى-زايىپتىلار.