الماتىدا سايلاۋ بارىسىن ءبىرقاتار حالىقارالىق بايقاۋشىلار باقىلاۋدا.
ولاردىڭ اراسىندا فرانسيادان كەلگەن ساراپشىلار دا داۋىس بەرۋ بارىسىن باقىلادى، دەپ حابارلايدى Almaty-akshamy.kz.
فرانسيا رەسپۋبليكاسى سەناتىنىڭ دەپۋتاتى، «فرانسيا – ورتالىق ازيا» دوستىق توبىنىڭ ءتوراعاسى ەرۆە مورەنىڭ ايتۋىنشا، قازاقستانداعى سايلاۋ پروسەسى اشىق جانە بارلىق دەموكراتيالىق پرينسيپتەرگە سايكەس وتۋدە.
باقىلاۋشىلار تاڭەرتەڭ 4 سايلاۋ ۋچاسكەسىندە بولىپ ۇلگەردى، ولار قانداي دا ءبىر زاڭ بۇزۋشىلىقتاردى بايقامادى.
«جالپى، تاڭەرتەڭ ءارتۇرلى سايلاۋ ۋچاسكەلەرىندە بارلىق قاجەتتى قۇرال-جابدىقتاردىڭ بار ەكەنىن بايقادىم دەپ ايتا الامىن. ياعني، تىزىمگە تىركەلگەن سايلاۋشىلارعا سايلاۋ بيۋللەتەنى بەرىلەدى، ول مورلەنگەن جاشىككە تاستالادى»، - دەپ اتاپ ءوتتى حالىقارالىق ساراپشى.
جوعارىلا اييىلعاندارعا فرانسيا رەسپۋبليكاسى سەناتىنىڭ دەپۋتاتى، «فرانسيا – ورتالىق ازيا» دوستىق توبىنىڭ مۇشەسى ارنو دە بەلنە دە قوسىلدى.
«داۋىس بەرۋشىلەردىڭ جۇزدەرى كۇلىمدەپ، اشىق-جارقىن ءجۇر، قوسىمشا ايتا كەتەتىن بولسام، فرانسيادا شەتەلدىك باقىلاۋشىلارعا مۇنداي اشىقتىق پەن جاناشىرلىق جوق. فيزيكالىق قۇرىلىمى جاعىنان ءبارى ۇقساس، مەن ءوزىم ءۇشىن ءارتۇرلى پارتيالاردى تانىستىراتىن باقىلاۋشىلاردىڭ تۇراقتى تۇردە بولعانىن بايقادىم، بۇل - اشىقتىق كورسەتكىشى. ءاربىر پارتيا بۇل پروسەستى مۇمكىندىگىنشە باقىلايدى»، - دەپ تولىقتىردى ول.
ساراپشىلار الماتىدا ءالى دە بىرنەشە سايلاۋ ۋچاسكەلەرىنە بارۋدى جوسپارلاپ وتىر.