كەزدەسۋ بارىسىندا پروبلەمالىق ماسەلەلەر تالقىلاندى.
2023 جىلعى 26 مامىردا الماتى قالاسىنا جۇمىس ساپارى بارىسىندا قازاقستان رەسپۋبليكاسىنىڭ عىلىم جانە جوعارى ءبىلىم ءمينيسترى ساياسات نۇربەك 980 ورىندىق قازاقستان-بريتان تەحنيكالىق ۋنيۆەرسيتەتىنىڭ ستۋدەنتتىك جاتاقحاناسىنىڭ قۇرىلىس بارىسىمەن تانىستى، دەپ حابارلايدى Almaty-akshamy.kz
جوبا بويىنشا بۇل جايلى جيھازدالعان بولمەلەرى بار جاڭا بۋىن جاتاقحاناسى، وندا ءومىر سۇرۋگە، وقۋعا جانە دەمالۋعا بارلىق جاعداي جاسالاتىن بولادى. 1، 2، 3 جانە 4 ورىندىق بولمەلەر مەن وقۋ كەڭىستىكتەرى جيھازدالعان جانە ينتەرنەتپەن (wi-fi) قامتاماسىز ەتىلگەن.
سونىمەن قاتار، مينيستر ستۋدەنتتىك جاتاقحانالار سالۋ جونىندەگى جوبالىق كەڭسەگە باردى، كەزدەسۋ بارىسىندا مينيسترگە 2023 جىلعى 1 قىركۇيەككە دەيىن 1492 توسەك-ورىنعا ارنالعان 5 نىساندى قايتا جاڭارتۋ جانە 2023 جىلدىڭ سوڭىنا دەيىن الماتى قالاسىندا 450 ورىندىق 2 نىساندى قايتا جاڭارتۋ جوسپارلارى ايتىلدى. سونداي-اق، 2023 جىلدىڭ سوڭىنا دەيىن 1780 توسەك-ورىنعا ارنالعان 3 جاتاقحانانىڭ قۇرىلىسىن اياقتاۋ جوسپارلانۋدا.
كەزدەسۋ بارىسىندا پروبلەمالىق ماسەلەلەر تالقىلاندى. مينيستر ستۋدەنتتەردى جاتاقحانالارمەن قامتاماسىز ەتۋ مەملەكەت باسشىسىنىڭ ەرەكشە باقىلاۋىندا ەكەنىن اتاپ ءوتىپ، جوبالىق كەڭسەگە ستۋدەنتتىك جاتاقحانالار سالۋ بويىنشا ينۆەستورلارمەن كەلىسسوزدەردى جەدەلدەتۋدى تاپسىردى.
ايتا كەتەيىك، بۇعان دەيىن ءمينيستردىڭ قاتىسۋىمەن سەمەي جانە اقتاۋ قالالارىندا بارلىق زاماناۋي ستاندارتتارعا ساي جاڭا ستۋدەنتتىك جاتاقحانالار اشىلعان بولاتىن. بۇل 400 ورىندىق Alikhan Bokeikhan University جانە 500 ورىندىق Yessenov University جاتاقحانالارى.