قىرعىز رەسپۋبليكاسىنىڭ پرەزيدەنتى سادىر جاپاروۆ 9 قىركۇيەكتە قاتار استاناسى دوحادا بولعان زىمىران سوققىلارىن قاتاڭ ايىپتادى، دەپ حابارلايدى Aqshamnews.kz ءتىلشىسى kabar.kg-گە سىلتەمە جاساپ.
"بۇل ارەكەتتەر حالىقارالىق قۇقىق پەن بۇۇ جارعىسىنىڭ قاعيداتتارىن بۇزادى، سونداي-اق قاتار مەملەكەتىنىڭ اۋماقتىق تۇتاستىعى مەن ەگەمەندىگىنە نۇقسان كەلتىرەدى"، – دەلىنگەن پرەزيدەنت مالىمدەمەسىندە.
بۇعان دەيىن نە بولعان ەدى؟
9 قىركۇيەكتە يزرايل دوحاعا سوققىلار جاسادى. نەگىزىنەن تۇرعىن ۇيلەر زارداپ شەكتى، وندا حاماس باسشىلىعىنىڭ دەلەگاسياسى اقش ۇسىنعان سوڭعى تاتۋلاسۋ ۇسىنىسىن تالقىلاۋعا كەلگەن بولاتىن. قاتار ءيزرايلدىڭ شابۋىلىن ايىپتادى.
قاتار بيلىگى تۇرعىن اۋدانداعى يزرايل سوققىسىنان زاڭ جۇزىندە جاۋاپ دايىنداۋ ءۇشىن ادۆوكاتتار توبى قۇرىلعانىن جاريالادى. پرەمەر-مينيستر مۋحاممەد بەن ابدەرراحمان ءال تاني يزرايل ارەكەتتەرى حالىقارالىق قۇقىقتى بۇزىپ، اقش باستاماسىمەن قولعا الىنعان گازاداعى كەلىسسوز پروسەسىن السىرەتەدى دەپ اتاپ ءوتتى.