قازاقستاندا 2013 جىلدان بەرى قىركۇيەكتىڭ ەكىنشى جەكسەنبىسى وتباسى كۇنى رەتىندە اتاپ وتىلەدى. بۇل كۇن شاڭىراق قۇندىلىعىن ۇلىقتاپ، قوعامداعى وتباسىلىق ينستيتۋتتىڭ جاي-كۇيىنە نازار اۋدارتاتىن مەرەكە سانالادى. الماتىدا قانشا وتباسى بار جانە قانشا جۇپ اجىراسقان؟ Aqshamnews.kz ءتىلشىسى بۇل سۇارقتاردىڭ جاۋابىن ىزدەپ كوردى.
الماتىداعى وتباسى سانى
ۇلتتىق ستاتيستيكا بيۋروسىنىڭ مالىمەتىنشە، بيىل ماۋسىمدا 870 نەكە قيىلعان. ال جىل باسىنان بەرى 4421 جۇپ رەسمي تۇردە شاڭىراق كوتەرگەن.
بيىلعى ستاتيستيكا:
- قاڭتار - 634؛
- اقپان - 737؛
- ناۋرىز - 677؛
- ءساۋىر - 751؛
- مامىر - 752؛
- ماۋسىم - 870.
ايتا كەتەيىك، جىل باسىنان بەرى جالپى رەسپۋبليكا بويىنشا 51370 جۇپ نەكەگە تۇرعان.
كەيىنگى جىلداردى سارالاساق:
- 2023 جىلى - 13074
- 2024 جىلى - 10787 جۇپ ۇيلەنگەن.
الماتىدا العاش رەت وتباسىن قۇرعانداردىڭ ورتاشا جاسى قانداي؟
- ەرلەر - 28؛
- ايەلدەر - 26.
سونداي-اق، قالادا وتباسىن قۇرعانىنا 20 جىلدان اسقان 557 جانۇيا بار.
نۇربولسىن ءورىس
بىلتىرعى ستاتيستيكا بويىنشا، قالادا مۇلدەم نەكەگە تۇرماعان 10199 ەر ادام بار. ونىڭ ىشىندە 60-تان اسقان 36 قاريا تۇرادى. سونداي-اق، 10768 ايەل كۇيەۋگە مۇلدەم شىقپاعان. ونىڭ 25ء-ى 60-تان اسقان.
اجىراسۋ ستاتيستيكاسى
بيىل ماۋسىمدا الماتىدا 205 اجىراسۋ تىركەلگەن، بۇل - ەلىمىز بويىنشا جوعارى كورسەتكىشتەردىڭ ءبىرى. ال جالپى جىل باسىنان 1120 جۇپ اجىراسىپ ۇلگەرگەن.
قازاقستان بويىنشا بۇل ستاتيستيكا كوڭىل كونشىتپەيدى، جىل باسىنان 21531 وتباسى ەكىگە كەتكەن.
- 2023 جىلى - 4761؛
- 2024 جىلى - 2108 جۇپ اجىراسقان.
ءبىر قىزىعى، قالادا اجىراسۋ ەڭ كوپ تىركەلەتىن جاس شاماسى – 30 بەن 34 جاس ارالىعى.
اجىراسۋدىڭ نەگىزگى سەبەپتەرى رەتىندە ەكونوميكالىق قيىندىقتار، ۋربانيزاسيا، الەۋمەتتىك جەلىلەردىڭ اسەرى جانە وتباسىلىق داعدارىستار اتالادى.